محمد هنيدي: وفاة علاء ولى الدين أثرت عليا نفسيًا وبنتي المسئولة عن شركة الإنتاج

كشف الفنان محمد هنيدي عن العديد من الأمور حول حياته الشخصية والفنية، منها رأيه في التحاق ابنته بالتمثيل وتأثره بوفاة علاء ولى الدين، وذلك من خلال لقاءه مع الإعلامية أسما إبراهيم في برنامج "حبر سري" المذاع عبر قناة "القاهرة والناس".

أبرز تصريحات محمد هنيدي

- علاء مرسي وأشرف عبد الباقي بيقولوا حاجات تبوظ الدنيا ولكن بضحك.

- وفاة علاء ولى الدين أثرت عليا نفسيًا وقعدت 3 شهور مش بعيط بعد وفاته، والجميع اتصدم من الخبر.

- افتقدت علاء ولى الدين جدًا أول سنة بعد وفاته، لإنه كان طول الوقت بيسأل عليا، وبفتكره على طول يوم عرفة.

- بوست سقوط لوحة إعلانات كوبري أكتوبر مكنش ينفع اسيبه مسحته لما اتأكدت ان في إصابات.

- هشارك في الإنتاج بفيلم مهم جدًا بطولة حماده هلال وبنعمل جلسات حاليًا بين الفنانين والمخرج.

- آخر فيلم شوفته في السينما كان الفيلم بتاعي الإنس والنمس، ومشوفتش أى عمل من سنة.

- المخرج جمال عبد الحميد قال إني بشرب مخدرات ودي تصريحات غريبة وإحنا مش صغيرين عشان تقعد نرد على بعض.

- رحمة أحمد كوميديانة من الطراز الجميل وطوب الأرض شكر فيها وطلعت في سنة واحدة كل الناس حبتها.

- رحمة أحمد لو أفورت تظبط نفسها ونعالج الموضوع بهدوء، لكن الهجوم عليها كان شديد.

- مفيش حد من ولادي غاوي التمثيل ولو بنتي قالتلي عايزة أمثل رد فعلي هيكون على حسب لحظتها.

- بنتي دلوقتي هى المسئولة عن شركة الإنتاج بتاعتي ولو موافقتش على دخولها مجال التمثيل لإن المجال شاق.

- خلافاتي مع محمد فؤاد مش هرد عليها مفيش خلاف وربنا يهدى النفوس ويسعد كل الناس.

- أحمد آدم قال إني سرقت منه أفيش فيلم ده احنا نعرف بعض من سنين يا أحمد وصحاب عمر أنا هسرق منك.

- مش هعلق على الفنانين اللي اعتزلوا ورجعوا تاني كل واحد حر وأنا مش فقيه ويشرفني أشتغل مع أى حد.

- منى زكي أكثر ممثلة بيني وبينها كيميا ونجحنا كتير مع بعض في البدايات.