ويجز: "كل أشكال التعاطف للشعب الفلسطيني مش كفاية وفين المجتمع المصري؟"

تحدث مطرب الراب ويجز عن حملات المقاطعة والحملات التجارية التي تدعم الاحتلال الإسرائيلي، بالإضافة أنه أعرب عن إستيائه الشديد لما تشده فلسطين خاصة قطاع غزة.

أوضح ويجز أثناء لقاء في قناة الجزيرة قائلًا: "أنا من أوائل اللي طبقوا المقاطعة، أنا عمري ما هاكل أو أشرب أي حاجة ليها علاقة بالكيان الإسرائيلي، في الأول والآخر أنا فلوسي هي اللي بنت الإمبراطورية دي، وفلوسك بتتبعت عشان تشارك في حرب مش عادلة وغير آدمية، كل أشكال التعاطف مع الشعب الفلسطيني مش كفاية".

تصريحات ويجز

وأضاف ويجز قائلًا: "بقت أمريكا بتحارب الإرهاب.. طيب هما فين الإرهاب دول؟، العيال اللي عندها 6 سنين وسنتين، بتكلمني عن المجتمع الدولي.. فين المجتمع المصري؟، أنا أصلًا حياتي كبني آدم مصري مش نفس القيمة، أنا دلوقتي فهمت هي العنصرية والطبقية والشكل اللي بيتبصلنا بيه، أن دي شعوب تعبانة معندهاش القوة الكافية، بمعني أنت لو معندكش حجم الجيش الإسرائيلي والأمريكاني يبقى متطلبش حقك".

وتابع ويجز قائلًا: "الفلسطيني كان بيروح لبنان والطيارات الإسرائيلية تيجي تضربه في مخيمات اللاجئين، وبيموت منهم 3000 في نفس اليوم، ولاحاجة بتحصل، ليه الناس دلوقتي بتتكلم عن الحريات".

ومن جانب آخر، كشف مطرب الراب ويجز عن رأيه في دور الولايات المتحدة لبقضية الفلسطينية قائلًا: "من وجهة نظري محدش يجي يكلمنا إن أمريكا ديمقراطية وعندها حرية، يعني الاستخبارات الأمريكية مش عارفة، وأنا اللي أعرف إيه اللي بيحصل في غزة؟!، لأ هما مش عارفين اللي بيحصل في غزة كويس أوي، واللي بيحصلهم في غزة ده معمول حسابه ومعمولة خطة، الناس دي عارفة كويس أوي هي بتعمل إيه".