"محمد سعد صمم يغير القافية".. عصام كاريكا يكشف كواليس أغنية ياللي نسيت الغرام من فيلم بوحة

حكى الفنان والملحن عصام كاريكا كواليس تلحينه لأغنية ياللي نسيت الغرام للفنان محمد سعد التي تم تقديمها في فيلم بوحة، مشيرًا إلى أنه اختلف معه أثناء تنفيذ الأغنية، لإصراره على تغيير القافية.

قال عصام كاريكا في مقطع فيديو نشره عبر حسابه على تيك توك، إن أغنية “أول ما عرفت إنك عايزني جيت أوام”، كانت في بداية الأمر لمطربة من المنصورة، وبعد سماعها الأغنية أعجب بها كثيرًا ودفع عربونها، لكنه تفاجأ بعد يومين بمهاتفة خطيبها وإخباره أن المطربة لن تستمر في مشوار الغناء، مطالبًا باسترداد العربون، فوافق كاريكا.

كواليس أغنية ياللي نسيت الغرام 

وأضاف عصام كاريكا: "في الوقت ده كنت بعمل مسرحية شبورة ومحمد سعد بيعمل مشهد بصوت أطاطا وسمع الأغنية في الاستوديو وقالي حلوة، وفي الوقت ده عملت لمحمد سعد أغاني فيلم 55 إسعاف وفيلم اللمبي وفيلم اللي بالي بالك، ولما جينا نعمل فيلم بوحة شرحلي المشهد، وطلب مني الأغنية اللي سمعها لما كان عندي في الاستوديو وقت مسرحية شبورة، وطلب كمان يتكتب موال في البداية"، لمشاهدة الفيديو اضغط هنا.

وتابع: "الشاعر الراحل سمير زكي كتب موال “ياللي نسيت الغرام.. ارجع هنا وقولي”، وبعدها كلمتني مي عز الدين وقالتلي إن اسمها كوتة في الفيلم وطلبت نضيف اسمها في الأغنية، ولكن واحنا في الاستوديو اختلفنا، وده اللي ضايقني وزعلني، الأغنية فيها قافية وكان عايز يشيل جملة تحت السلم بنام وقالي محمد سعد مش عجباني وعايز كلمة سجادة بين إيديك، ولو اتغيرت يبقى لازم هنغير القافية، فكلمت المنتج وائل عبد الله، وقالي معلش عشان خاطري مشيهالي".

وأكد عصام كاريكا: "وائل بعتبره أخ وصديق، وكنت قاعد في الاستوديو قلبي بيتقطع، رغم إني كنت ناجح وقتها وعملت شكل كتير مع نجوم كبار الوقت ده، ولكن جيت على نفسي، ومشيتها سجادة بين إيديك، ونجحت الأغنية نجاح غير طبيعي لما غناها من فترة كورال روح الشرق".

اقرأ أيضًا: تقاضى ربع مليون دولار.. تفاصيل مسرحية بيومي فؤاد "تطبق الشروط والأحكام" في موسم الرياض