رامي جمال: أرفض الغناء داخل مكان فيه رقاصة والبهاق جالي بسبب الحزن

كشف المطرب والملحن رامى جمال عن رأيه فى التصريحات الأخير لعمرو مصطفى، كما تحدث عن عدد من الأزمات التى واجهته فى مجال عمله، إلى جانب حديثه عن إصابته بمرض البهاق، وأزمة طلاقه من زوجته التى استمرت إلى يوم واحد، وذلك خلال لقائه مع الإعلامية أسما إبراهيم فى برنامج "حبر سرى".  
أبرز  تصريحات رامى جمال خلال الحلقة
- عمرو مصطفى فيه نوع من النرجسية أنا مش بحبه.
- لما تعيب في زمايلك إنت بتعيب في مهنتك.
- مفيش حاجة في الدنيا متوقفة على شخص، والملحن من غير شاعر وموزع شاطر أداة.

- أى مطرب نجحت معاه بستنى منه يتمسك بيا، وهفرح لو اشتغلت مع حماقي تاني.
- مستحيل ألحن مهرجانات ده مش ذوقي، ومش عايز أقدم فن أعتذر عنه بعد كده في يوم من الأيام.
- عندي تحفظات على حاجات معينة، وبرفض أغني في مكان فيه شرب أو رقاصة ممكن تطلع في فقرة تانية مش معايا.
- مرض البهاق جالي بسبب الحزن.
- عمرو دياب نمبر وان بمقاييس السوق، وتامر حسني فنان شاطر بس مش رقم واحد.
- بحب في محمد منير انه بيقدم اللى هو بيحبه وعايزة مش اللى الجمهور محتاجة.
- إليسا وأمير طعيمة خبوا عني إن سعد المجرد هو اللي هيغني أغنية من أول دقيقة.
- سعد المجرد انسان متربي وكلنا لينا أخطاء إحنا مش أنبياء.

- خلافي أنا وزوجتي كان بسبب ان الصبر خلص واللي حوالينا مكانوش بيهدوا.
- لما اتطلقنا اتخيلت الحياة من غيرها مقدرتش استحمل.
- مراتي مش حاجة استخدمها في تريند او كده هى المفروض تكون مبسوطة وبس.
- بشكر زوجتي على كل الحب والدعم اللي شوفته منها.
- أنا مش شيخ عشان أعلق على حد اعتزل الفن، المهم ان كل واحد ينام مبسوط أيا كان اللى بيعمله.
حلقة رامي جمال في برنامج حبر سري
من المقرر أن يتم عرض الجزء الثاني من حلقة المطرب رامي جمال في برنامج "حبر سري" الليلة الجمعة في تمام الساعة العاشرة مساءً على قناة القاهرة والناس.