بعدما وصفه بالنرجسي.. عمرو مصطفى يرد على رامي جمال: لو شوفتك في حته ههزقك يا مطرب الدرجة الخامسة
رد الفنان عمرو مصطفى على تصريحات المطرب رامي جمال بعدما وصفه الأخير بالنرجسي، قائلًا: "فيه نرجسية مش بحبها وهو عاب في كل زمايله ومهنته.
كتب عمرو مصطفى عبر حسابه على "فيسبوك": "هو أنا أترككم تتعدوا بشكل غير قانوني على ألحاني يعني لحن تم غناءه في برنامج على الهواء خدته وعملت منه أغنية وصورتها وفى الآخر طالع تقول عليا نرجسي، نحن في زمن يصدق فيه الكاذب ويكذب فيه الصادق".
رد عمرو مصطفى على تصريحات رامي جمال
وأضاف: "أقسم بالله لو شوفتك في أى مكان انت وأشكالك لن تجدوا مني غير نظرة احتقار واوعى تجري تسلم عليا زى ما عملت قبل كده عشان ههزأك واوعى تجيب اسمي تاني في مكان عشان هقاضيك انت وكل اللى شبهك مطربى الدرجة الخامسة.. زمن الروبيضة".
وتابع عمرو مصطفى في منشور آخر: "أنا نرجسي أنا مغرور أنا منفصل عن زمايلي وفي حالي ومش بكلم حد في الوسط ارتاحوا بقا وبطلوا تذكروا اسمي في كل مكان اقعدوا اعملوا لجان في كل حته تطلع تشتمنى وبرامج مخصوص لمهاجمتي.. كل ده لاني لازم أكون منافق وأشكر في ناس منافقة عشان صورتي تكون كويسة طيب انا عايزها وحشة ارتاحوا بقا".
تصريحات رامي جمال عن عمرو مصطفى
وكان الفنان رامي جمال قد هاجم الملحن عمرو مصطفى ووصفه بالنرجسي لأن عاب في كل زملاءه، وجاء هذا الرد بعد تصريحات الأخير بأن الملحن هو المبدع والمطرب مجرد أداة.
