ملك أحمد زاهر تنتقد أسعار الساحل الشمالي.. محتاجة أبيع كليتي عشان أقعد يومين وأقل حاجة ب 375 ألف
انتقدت الفنانة ملك أحمد زاهر ارتفاع الأسعار في الساحل الشمالي، مؤكدة أنها تشعر وكأنها في حلم، كما سخرت قائلة: محتاجة أبيع كليتي اليمين عشان أقعد يومين.
قالت ملك أحمد زاهر من خاصية استوري عبر حسابها بموقع إنستجرام: "إيه الأرقام اللي بشوفها في الساحل الشمالي دي؟ أنا مرعوبة حاسة إني في حلم، أرخص حاجة هنا في الساحل بـ 375 ألف جنيه وغالبا بتكون المياه".
ملك أحمد زاهر تنتقد أسعار الساحل الشمالي
وتابعت ملك: "فين أيام الساحل الطيب؟ كنا بنتفرج على مسرحية العيال كبرت يوميًا وبدون ملل ومبسوطين فين الأيام دي؟ أنا ناقص أبيع كليتي د عشان أكمل يومين في الساحل الشمالي".
انتقاد النجوم لأسعار الساحل الشمالي
وسبق وانتقد عدد من النجوم الأسعار في الساحل الشمالي، منهم الفنانة جوري بكر، والتي قالت قبل ذلك إن سعر زجاجة المياة ٢٠٠ جنيهًا، إحنا بنتعب عشان نجيب فلوس والناس فاكرة إننا بناخد ملايين، لكن أنا وجوزي مغتربين عشان نعيش كويس".
كما انتقد المخرج خالد يوسف الأسعار، قائلًا: "الساحل الشمالي من أجمل شواطئ العالم، لكنه واحد من أغلى الشواطئ في العالم في تكلفة الإقامة والمعيشة، لدرجة إني أكاد أجزم أنه لا يستطيع الاستمتاع به غير 5% من أهل مصر".
