شهد رمزي تنعى شقيقها صلاح رمزي

نعت المنتجة شهد رمزي شقيقها الراحل صلاح رمزي والذي وافته المنية الأسبوع الماضي.

ونشرت شهد ڤيديو يجمعها بشقيقها الراحل عبر صفحتها الشخصية علي موقع التواصل الاجتماعي فيسبوك معلقة عليه" أول مرة أبقى مش عارفة أتكلم ولا أقول حاجة وأعبر عن جرح ووجع مستمر، فراقك مش هيكون أسهل مع الأيام بالعكس هيكون أصعب بكتير كل يوم، وجودك كان كفاية، كلامك الحلو والله كان كفاية، حبك كان كفاية، كنت الحاجة الوحيدة اللي بتحسسني بالحب اللا محدود".

وأضافت: "كنت بتعوضني عن فقدان أبويا، مش قادرة أتخيل إني مش هشوفك تاني ولا عارفة أصدق ولا عارفة هكمل اللي باقي من عمري إزاي من غيرك”.

وتابعت: "اتولدت لقيتك وكنا طول عمرنا 4، عمرنا ما هنبقى 3 يا صلاح هتفضل موجود معايا في كل حاجة بحبك وبموت فيك وبعشقك، مش عارفة أنام يا صلاح، الابتلاء المرة دي أقوى من أي حاجة والحمد لله على كل حاجة، الحمد لله إني عشت معاك أحلى أيامي وحياتي، الحمد لله إني أختك يا أحلى وأحن وأجمل أخ في الكون.. وحشتني أوي».

إقرأ أيضًا:تركي آل الشيخ يعلن بدء التصويت لاختيار نجوم حفل joy Awards