بصدر عارٍ.. رامي صبري يوجه رسالة للجمهور عن أحداث غزة
وجه الفنان رامي صبري رسالة لمنتقدي عمل الفنانين في الفترة الأخيرة، وعدم وقف نشاطهم الفني، بسبب الأحداث الدامية التي تشهدها فلسطين وأهالي قطاع غزة.
وقال رامي صبري: "الكومنتات اللي بتقول أنت بتغني إزاي وفلسطين بتتضرب، يعني إحنا مش هنفضل قاعدين طول الوقت بناكل وبنشرب وبننام بس ، فهي بس الناس اللي بتكتب الكومنتات دي مش فاهم بتكتبها على أساس إيه؟، ده شغلنا ودي عقود ملتزمين بيها، ومنقدرش إننا منشتغلهاش".
وأضاف رامي صبري: "مش ببقى فاهم الناس اللي مش عايزانا نغني ونشتغل، وبزعل لما بلاقي الناس بتفكر كدة لكن معنديش حاجة أعملها، فلسطين بتتضرب من قبل ما إحنا نيجي الدنيا، وإحنا هنعمل إيه، بنعمل اللي علينا وممكن مثلا نغني لفلسطين وندفع فلوس وكل حاجة عشان نتضامن، لكن نوقف شغلنا؟".
وتابع رامي صبري"طب أنت لما بتوقف شغلك مش بتتفرج على الماتشات اللي شغالة مثلا؟ مش بتروح الاستاد وتدفع فلوس عشان تروح تتفرج على فريقك وهو بيلعب؟ مش بتصحى تاكل في بيتك؟ لا بتتفسح وبتعيش حياتك، طب بتخرج ليه في الوقت اللي فلسطين بتتضرب وبتموت، نموت إحنا كمان طيب؟.
واختتم رامي صبري حديثه قائلًا"إحنا آه شغلانتنا مختلفة عشان فيها فرح وسعادة بس دة شغلنا، مينفعش نوقفه واللي بيفكر كدة دة غلط، لأننا مسؤولين عن أُسر وعندنا حياة مينفعش نوقف عشان فلسطين بتموت، بس مش لازم إحنا كمان نموت يعني، وتحيا فلسطين وإن شاء الله الفترة الجاية تبقى أحسن".
إقرأ أيضا:والده مطرب وأم كلثوم وصفته بالعبقري.. أبرز اللقطات في حياة رياض السنباطي
