محمد رضوان: مسلسل موضوع عائلي كان فتحة خير عليا

حل الفنان محمد رضوان، ضيفا ببرنامج صاحبة السعادة، مع الإعلامية إسعاد يونس.

وتحدث الفنان محمد رضوان عن  ترشيحه لشخصية "رمضان حريقة" التي قدمها  في مسلسل "موضوع عائلي"، وقال إنه تم ترشيحه للشخصية بالصدفة.

وقال محمد رضوان: "دوري في موضوع عائلي هو عوض من ربنا ليا، وكان في ممثل تاني هيعمله بس اختلف معاهم في وجهات النظر، أو على الأجر مش عارف".

وأضاف: "لقيت المخرج أحمد الجندي طالب يقابلني، ومكنتش قابلته قبل كدا وقعدنا نتكلم كتير في مواضيع مختلفة، وعن رأيه في الحاجات اللي عملتها قبل كدا،  ورأيي في الحاجات اللي أنا شوفتهاله، ووجهات نظرنا في الكوميديا، وفي الآخر قالي خلاص هتعمل معايا الدور دا".

وتابع: "هو بيعمل حاجة جميلة وهي أننا بنقرا المشاهد وبنعمل بروفات جوا الديكور، اللي هنصور فيه فبنبقى تعايشنا مع مكان التصوير".

وعن كواليس المسلسل قال: “الفنانة سماء ابراهيم من أول لحظة كنت حاسس أنها زينب مراتي، والولاد ولادي فعلا، ودا بيتنا، وأحمد الجندي من الناس البسيطة، وحتى لو الشخصية مفيش حوار ليها في مشهد، يقولي مش مشكلة اتكلم، وماجد الكدواني معندوش مشكلة في أن شخصية تضحك في المسلسل، وهو ممثل بيعمل دوره وملوش دعوة بغيره،وكل حاجة كانت ماشية تمام”.

اقرأ أيضا:بعد مشكلتها مع قناة الشمس.. إيقاف ريهام سعيد سلسلة لا تنتهي