كاملة أبو ذكري تعلن طلاقها: "اختارت غلط واتكسرت ومش هحب تاني"

أعلنت المخرجة كاملة أبو ذكري، عن انفصالها عن زوجها منذ 4 أشهر، مشيرة إلى أنها لن تُقدم على خطوة الارتباط والزواج مرة أخرى.

قالت كاملة أبو ذكري خلال لقاءها في برنامج "حبر سري": "الراجل الحقيقي اللي في حياتي هو أبويا وأخويا حبيبي ربنا يدي له العمر والصحة، وغير كده مشوفتش ضهر ولا سند، ممكن تكوني قوية جدًا في شغلك وتبقي ضعيفة جدًا في الحب، خاصة لما بتكون شغلانة محتاجة تكوني فيها زي الراجل، وفي ست مش محتاجة راجل، وأنا ضعيفة جدًا في الحب".

طلاق المخرجة كاملة أبو ذكري

وأضافت كاملة أبو ذكري: "الحب كسرني وأنا اختارت غلط قوي، ومش ندمانة كل حاجة بتعلم منها حلوة أو وحشة، وكنت أتمنى أكون نجحت في حياتي الشخصية زي العملية ويكون في سند ليا وضهر وونيس، بس أخويا وبنتي وحفيدي وأصحابي وشغلي عوضوني".

واختتمت كاملة حديثها: "أنا اتجوزت مرتين، مرة 3 سنين ومرة 8 سنين، واللي كسرتني أوي 8 سنين، واتطلقت من 4 شهور، والحمد لله ربنا مبيديش كل حاجة وكل حاجة بتخلص، والحمد لله كل حاجة بتعدي، أنا أمي وأبويا ماتوا وكملت واشتغلت، ومش هحب تاني أعوذ بالله من الارتباط".

اقرأ أيضًا: حاتم صلاح: “مشاهد على باب العمارة كانت بتبوظ من الضحك بسبب محمد محمود”