حمو بيكا : تعرضت لمشاكل كتير بعد سبوع بنتي بسبب الحسد

تحدث مغني المهرجانات حمو بيكا عن تعرضه للمشاكل والأزمات، بعد سبوع ابنته تاج بسبب الحسد.

وقال حمو بيكا خلال بث مباشر على صفحته على فيسبوك "اتقال إن السبوع تكلف ملايين وعربية بـ 10 مليون دولار، إزاي دي عربية كانت مخلعة،  الكلام ده غلط،  روحوا واسألوا على القاعة بنفسكم، وكل اللي حضروا معلمين ونجوم بيحبوا بيكا، والدنيا كلها بتعمل كده، وأكتر من كده بكتير ولا علشان أنا حمو بيكا،  سيبوا الملك للمالك وقول يا رب وطول ما أنت بتسعى ربنا هيساعدك، لكن ما تبقاش نايم في بيتك  ولا بابي ومامي بيدوك المصروف وتطلعمهم علينا.

وأضاف حمو بيكا"إحنا معندناش  بابي ومامي، وبنصرف على بيوتنا، وبصرف على 3 و4 بيوت وورايا ناس فاتحة بيوت، وبرضه معايا 23 بني آدم بياكلوا عيش، وناس عندها عيال وفاتحة ييوت، وشقيت وتعبت لحد دلوقتي".

حمو بيكا: من وقت السبوع وانا في مشاكل 

وتابع حمو بيكا" في إيه يا جماعة من وقت السبوع لحد دلوقتي  كنت في مشاكل شخصية من الحسد، وده مذكور في القرآن، والحمد لله عديت وبنتي الأميرة تاج في حضني وربنا يخليها ليا ولما ربنا يديني هعملها أكتر من كده، علشان أنت بذات نفسك بتشتغل علشان عيالك وتتمنى تجيب لعيالك نجمة من السما،  وأنا لما كنت لوحدي ما كنتش حاسس أني أب، لما جالي بنتي حسيت بمعنى كلمة الأب ، ومش عاوزها تعيش اللي عيشته، لأني عيشت عيشة طيبة وكريمة،  ومش دايم غير حب الناس، وأنا بحبكم أكتر شوية من حبكم ليا، وخليك رحيم ما تتكلمش على الناس وسيب الملك للمالك وربنا هيكرمك".

إقرأ أيضا:هاني فرحات يقود أوركسترا رسالة سلام للعالم