نشوى مصطفى: لازم استمتع وأنا بعمل فن وخالد النبوي عنده حضور كبير

أعربت الفنانة نشوى مصطفى عن سعادتها بالمشاركة في مسلسل “إمبراطورية ميم”، بطولة الفنان خالد النبوي، وذلك بعد غيابها 10 سنوات عن الساحة.

وكتبت نشوى مصطفى منشور على صفحتها الشخصية على فيسبوك قالت فيه “تحويشة العشر سنين اللي فاتت اللي مشتغلتش فيهم آخرها كان جبر كبير، فرحانة إن بعد السنين اللي عديت ورغم قسوة إن الفنان مايمارسش فنه، بس الحقيقة ومعرفش هتصدقوني ولا لأ، لما كان بيتعرض عليا دور مش حاساه، كنت بعتذر عن وأنا بتقطع،  بس كنت بقول حقي في المرحلة دي، واللي باقي من العمر ولازم  استمتع وأنا بعمل فن”.

وأضافت نشوى مصطفى" أيه  المتعة أكبر من أن  أكون واحدة من فريق عمل عظيم وراقي، وورق  محترم، إخراج واعي، وإنتاج لشركة أعمالها كلها  ترند وخالد النبوي، أقصد الخالد النبوي، خالد اسمه لازم يسبقه ألف ولام، بغض النظر عن حضوره اللي ربنا أنعم عليه به بزيادة، هو كمان ممثل هاند ميد، ممثل يعلى اي ممثل يقف قدامه، ممثل  بيذاكر وبيعيش وبيحس بمنتهى الاجتهاد، وبمنتهى الاحترافية،  يا بختي حقيقي".

اقرأ أيضا:بين السينما والدراما.. نشاط فني لـ شريف سلامة بأربعة أعمال