إلهام شاهين: الفن لازم يتنفس.. ولو متكلمناش في المحرمات هنتكلم عن إيه؟
حلت الفنانة إلهام شاهين ضيفا على الإعلامي خالد أبو بكر، في برنامجه "كل يوم"، المذاع على قناة “ON TV” وتحدثت خلال استضافتها عن رفض الرقابة لعدد من السيناريوهات المهمة من وجهة نظرها، التي أرادت إنتاجها.
واعربت إلهام شاهين عن استيائها واستنكارها لقيود الرقابة، مؤكدة تاريخها الكبير في الفن يجعل لديها رقابة داخلية تحدد من خلالها ما تصلح مناقشته، في عمل فني يفيد المجتمع.
أبرز تصريحات إلهام شاهين بشأن الرقابة على الأعمال الفنية
وقالت الفنانة إلهام شاهين خلال حوارها ببرنامج “كل يوم”: “لازم يكون فيه ثقة فينا، وأنا عندي خبرة كبيرة بالفن، وعندي رقابة داخلية، وأقدر اعرف إيه المسموح وإيه غير المسموح للمجتمع، ومينفعش يكون فيه أي أوصياء على المجتمع يشوف إيه وميشوفش إيه، ولو مشافهوش عندك هيشوفوه في المنصات اللي بقت مفتوحة على العالم كله”.
وأردفت الفنانة إلهام شاهين: “الفن لازم يتنفس، ويكون فيه حرية بشكل واسع، ومينفعش نحس بالتقييد، وأن الرقابة هترفضه وأقول بلاش، قولت لازم اتوقف هو إيه اللي مسموح بيه الكوميدي والأكشن.. يعني لو متكلمناش في مواضيع مهمة فيها سياسة، أو جنس، أو دين، اللي هي المحرمات، هنتكلم في إيه".
وتابعت إلهام شاهين: “أنا معرفش اخترع إفيهات، ومش هطير في الهواء وأكسر عربيات ولا هضرب، طيب بعد تاريخي الطويل دا، عديت الـ100 فيلم، وأكتر من 50 مسلسل أعمل إيه”.
اقرأ أيضا.. إلهام شاهين تكشف تفاصيل مشاركتها في موسم رمضان 2024.. فيديو
