فرح الزاهد عن فيلم شوجر دادي: مكنتش مصدقة إنهم هيختاروني وليلى علوي ساعدتني في التصوير

تحدثت الفنانة الشابة فرح الزاهد عن نجاح فيلمها الجديد "شوجر دادي"، الذي يتم عرضه حاليًا في دور العرض السينمائي، ويقدم بطولته الفنانة ليلى علوي والفنان بيومي فؤاد.

وقد قالت الفنانة فرح الزاهد في تصريحات تلفزيونية: " مبسوطة جدًا بالمشاركة في فيلم شوجر دادي، لإن ده يعتبر أول فيلم ليا في السينما ومكنتش مصدقة أنهم هيختاروني".

تصريحات فرح الزاهد

وأضافت فرح الزاهد: "مبسوطة بالتجربة دي لإني كمان بشارك مع الفنانة ليلى علوي اللي ساعدتني كتير في التصوير، كنت فكراهم هيقلشوني بصراحة لكن هى كان عندها ثقة فيا، وكلمة شوجر دادي معناها راجل كبير معاه فلوس بيحب واحدة أصغر منه، فبيكون بالنسبالها هو ده الشوجر دادي".

فرح الزاهد عن كواليس فيلم شوجر دادي

وتابعت فرح الزاهد حديثها عن كواليس التصوير، قائلة: "أول يوم شوفت فيه ليلى علوي كنت مرعوبة وكنت بقولها مش عايزة أصور عايزة أمشي وعيدنا المشهد أكتر من مرة بسبب مشاكل في الزاوية بتاعتي بس هي فضلت تقولي عادي وعملتي المشهد حلو أوي".

وقالت: "اتعملت منها الانضباط ومش بتعترض على حاجة خالص كل شوية بيعيدوا التصوير، فقولتلها لو قولتي وقفي هنوقف بس هي رفضت وقالت لا خلينا نخلص الشغل".