عمرو مصطفى: "اكتئبت 4 شهور بسبب أغنية افتكرلك إيه وأتمنى يعملوا قوانين الملكية الفكرية"
أعرب الفنان والملحن عمرو مصطفى، عن استيائه بسبب حقوق الملكية الفكرية على الأغاني في مصر، إلى جانب الكشف عن إصابته بـ اكتئاب بسبب أغنية افتكرلك إيه.
قال عمرو مصطفى في المؤتمر الصحفي المقام حاليًا لـ جمعية المؤلفين والملحنين، بنقابة الصحفيين: “النهاردة إحنا بنعيش الموقف وكلام مصطفى محمود بيتحقق، كل تراثنا دلوقتي للبيع، أنا دلوقتي أغانيا ممنوع تتباع ومبعملش تنازلات لحد، وبقالي 4 أو 5 سنين مش هشتغل لحد علشان أعرف الموسيقى دي، وزي ما اتحكمت في عقول الناس وعملت بشرة خير، دي كانت دراسة وعلم، جمعية المؤلفين والملحنين لازم تتحكم في المصنفات الفنية اللي بيعمل المؤلف والملحن تصريح ليها، النهاردة لما نيجي نرجع للتاريخ أم كلثوم ليها نسبة”.
عمرو مصطفى: أتمنى يعملوا قوانين الملكية الفكرية
وأضاف عمرو مصطفى: “أنا عملت أغنية لـ أم كلثوم افتكرلك إيه، تخيلت إني كملحن عايز أعمل أغنية لـ أم كلثوم بالذكاء الاصطناعي، فجأة لاقيت هجوم رهيب خلاني قعدت 4 شهور في البيت مكتئب مش مصدق اللي حصل، رغم إن في أغنية تانية فيها إيحاءات جدًا، مسمعتش منتجع طلع اتكلم عنها”.
كما شدد عمرو مصطفى على ضرورة تعديل قانون حقوق الملكية الفكرية، وقال: “بس صدقوني الفترة اللي جاية هتشوفوا حاجات تانية وهيكون في شباب جامدة جدًا، بس أتمنى يعملوا قوانين الملكية الفكرية، دي ثروة للبلد والبلد محتاجة فلوس ودولارات، النهاردة الإنتاج الموسيقي بيدخل دولار”.
اقرأ أيضا: أحمد ماهر يكشف لـ "بالمصري" تفاصيل شخصيته في مسلسل صيد العقارب
