خالد عليش يتعرض للابتزاز من طليقته وزوجته تدافع عنه.. تفاصيل

كشف الإعلامي خالد عليش عن تفاصيل تعرضه للابتزاز من طليقته ووالدة ابنته، مشيرًا إلى أنها تطالبه بسداد الأموال والنفقة على ابنته بشكل مبالغ فيه، مؤكدا أنه ملتزم بسداد كافة مستحقات ابنته.

كتب خالد عليش عبر حسابه الشخصي على فيس بوك: "حسبى الله ونعم الوكيل، من 1-9-2020 وقت الانفصال بيني وبين أم بنتي وأنا ملزم بكل النفقات والأجور المتفق عليها، ومصاريف الدراسة واللبس المتفق عليه وقت الانفصال مع الاختلاف في بعض الزيادات، ومنها المبالغة في التمارين الرياضية، بتمرن البنت 7 رياضات مختلفة “دي مش مبالغة ده رقم حقيقي”، وبالرغم من إني مش بعرف أشوف بنتي بالشكل المتفق عليه، بس مستحيل اتأخر في التزاماتي، وابعت بالتحويلات البنكية، وبالمناسبة مبالغ كبيرة أنا وافقت عليها وما اعترضتش عشان محدش يقول بتاخد ملاليم".

خالد عليش يتعرض للابتزاز من زوجته

وأضاف خالد عليش: “المحامي بيقولي لازم إنذار رسمي، أقوله مفيش داعي كدة كدة أنا هدفع خليها تاخد الفلوس في حسابها بكل أريحية، مفيش داعي للبهدلة، من كام شهر لقيت دعوى حبس إني مش بدفع النفقات استغربت، وقولت يمكن عشان اللخبطة بس وكملت دفع في البنك عادي حتى أكتوبر 2023 عبيط بقى ومعايا ما يثبت ذلك في التحويلات البنكية”.

واختتم خالد عليش حديثه قائلًا: “قبل الجلسة النهاردة قعدنا وديًا في وجود المحامين، واطلب مني مصاريف أخرى وتم ابتزازي بطلبات أخرى مبالغ فيها مقابل الاعتراف باستلام المبالغ دي، واختلفنا بس في شهر واحد محسوب غلط، قُلت لو رسيت على شهر مش مشكلة بسيطة، دخلت المحامي الخاص بيها، ومحضرتش أمام المحكمة، وهو قال إحنا مخدناش منه حاجة، ودي تحويلات أخرى بينهم ملهاش علاقة بالنفقات، والمحكمة هتطلب مني أدفع الفلوس مرة تانية، أنا مستحيل كنت أصدق إن ده يحصل، بس القانون لا يحمي المغفلين.. الحمد لله وحسبي الله ونعم الوكيل، والحق هيرجع هيرجع، بس أديك شُفت معادن الناس الحقيقي”.

زوجة خالد عليش تدافع عنه

وأعادت ميرهان عمرو زوجة خالد عليش الحالية نشر بوست زوجها، وذلك عبر ستوري حسابها الرسمي على إنستجرام، وعلقت عليها قائلة: “ربنا يعوضك يا ابن الأصول يا متربي”.

اقرأ أيضا: عمر طاهر: حبيبي الأولاني أول أغنية اكتبها والڤيديو بيوصل المعاني للجمهور أفضل