رامي رضوان يكشف شرطه الوحيد لدخول ابنته مجال التمثيل
كشف الإعلامي رامي رضوان عن موقفه من دخول ابنته كايلا مجال التمثيل، موضحا أن دراستها في المقام الأول بالنسبة له، ويلزم مشاركة والدتها دنيا سمير غانم، وخالتها إيمي، وزوج خالتها وحسن الرداد، في الأعمال الفنية.
تصريحات رامي رضوان
وقال رامي رضوان في تصريحات تليفزيونية: "هي كطفلة كبرت في بيت شافته كله على التلفزيون، فبالتالي هى حاسة أن هو دا العادي، ومعنديش مشكلة أنها تعيد التجربة مرة كمان، طالما مع مامتها، وخاضت التجربة دي ومبسوطة بها، هي مش هتبدأ تسلك طريق التمثيل من دلوقتي، لأن دراستها مهمة جدًا عندي، وفي المقام الأول".
وأضاف: "معنديش مشكلة في التمثيل بما لا يتعارض مع دراستها، لكن مع غير مامتها، أو إيمي وحسن الرداد لأ، ومعمول كنترول عليها في السوشيال ميديا لأنه مجال متعب، هي لسه بنوتة صغيرة ولو حد كتبلها حاجة تضايقها هتتأثر، وأنا مش حابب أنها تتعرض لـحاجة زي كدا".
رامي رضوان يتحدث عن ابنته كايلا
واستكمل رامي رضوان: "كايلا في الطباع واخدة كتير من مامتها دنيا سمير غانم، هي واخدة كمان من حماتي الله يرحمها، ومن خالتها إيمي شوية، أكيد تجربة التمثيل فادتها جدا، وواحدة من الفوايد دي اللي أنا سعيد بيها، أنه كان عندها الشغف وعايزة تطلع على التليفزيون".
اقرأ أيضا:نشوى مصطفى: لازم استمتع وأنا بعمل فن وخالد النبوي عنده حضور كبير
