عائشة بن أحمد: لازم الناس تاخد بالها قبل من حيواناتها قبل ما تروح لأي عيادة

كتبت الفنانة عائشة بن أحمد عبر خاصية استوري في حسابها الرسمي على موقع التواصل الإجتماعي انستجرام منشورًا عبرت فيه عن استيائها من بعض العيادات لإهمالهم بالحيوانات وبمرضهم، وأكدت: لازم الناس تاخد بالها كويس قبل ما تودي حيواناتها لأي عيادة.

وعلقت الفنانة عائشة بن أحمد في المنشور وقالت: لوسمحتوا حاولوا تسألوا كويس قبل ما تودوا كلابكم أو قططكم لأي عيادة.. أنا قططتي عيانة أوي وبيتعالجوا وبايتين من 3 أسابيع في عيادة.

ثم أكملت الفنانة حديثها: 3 أسابيع وكل ما يقولوا لي أنهم خفوا أرجعهم البيت.. تاني يوم اكتشف أنهم لسه عيانين وفي كل مرة أرجعهم العيادة فيكتشفوا أن عندهم مرض جديد، لغاية من يومين قالوا لي تمام وأنهم خفوا وبعدين رجعوا في كلامهم وقالوا لي لا في واحد بس اللي خف والتاني لا، فقررت أغير العيادة عشان حسيت أن قططي مش بتتحسن، وأن في استغلال مادي ونية مش كويسة لما روحت لهم منهارة وعايزة اخذ القطط فجأة قالوا لي على فكرة هما الاتنين كويسين وكنا هنقولك تمام روحي بيهم الاتنين (سبحان الله)

واختتمت الفنانة حديثها قائلة: “ختهم وعملت لهم أشعة وتحاليل تانية لقيت أنهم تعبانين أوي شالوا لواحد فيهم القسطرة مع أنه لسه محتاجها فركبوا له في العيادة الثانية،  وحدة تانية النهاردة، انتوا متخيلين هو اتعذب قد ايه لا بياكل لا بيشرب، والتانية حرارتها 41 وحالتها خطر وبرده ما بتاکلش وما بتشربش من 3 أسابيع وأنا عايشة الكابوس ده ما كنتش عايزة اكتب ولا أحكي، لحد بس لازم الناس تاخد بالها كويس أوي وتسأل كويس قبل ما تودي حيواناتها لأي عيادة”.