بعد هجوم الجمهور عليه.. كيف دعم عمرو محمود ياسين محمد صلاح؟

دعم السيناريست عمرو محمود ياسين، اللاعب محمد صلاح، بعد هجوم الجمهور عليه مؤخرًا، وذلك بعد إصابته في مباراة مصر وغانا.

كتب عمرو محمود ياسين عبر حسابه بموقع فيسبوك: “أسطورة مصر المظلوم اللي الناس بتحب تقسو عليه وتسخر منه وتظهر له الكراهية والتقليل منه، بتحب تقف له على الواحدة، بيحبوا يحكموا عليه من غير ما يفهموا كل التفاصيل، أهو الراجل طلع إصابته  قويه  طلع إنه محتاج علاج غير متوفر في المدينة اللي الفرقة رايحاها بعد التأهل”.

عمرو محمود ياسين يدعم محمد صلاح

وأضاف عمرو محمود ياسين: “يا جماعة الناس اللي ملهاش مصلحة في مهاجمة صلاح، بعيدًا عن اللاعبين السابقين وبعض الإعلاميين، ماتروحوش مع الرايجة، صلاح راجل شريف وطيب وبنى نفسه بنفسه وحفر في الصخر عشان يصنع اسمه ومش مقصر مع بلده في شيء، بالعكس الراجل ده ساهم في وصولنا كاس عالم وساهم في وصولنا اتنين نهائي إفريقيا”.

واختتم عمرو محمود ياسين كلامه قائلًا: “وهو هداف تاريخي لمصر وأكبر اسم  لرياضي في تاريخ  مصر، أصلا منذ اخترعت الرياضة، هو الكينج مو، اللي بيتغنى الإنجليز باسمه، وبيحترمه العالم، إحنا  ليه بنعمل كده؟ حتى لو البعض شايف له هفوات أو أخطاء أو تصرف ماجاش على هواه، مابندبحهوش، ده ابن بلدنا وجايبها من تحت، عيب.. ياريت الناس تراجع نفسها”.

الهجوم على محمد صلاح

وجه الجمهور هجوم على لاعب كرة القدم محمد صلاح بعد إصابته في مباراة غانا، التي أقيمت منذ عدة أيام وإعلان عودته إلى إنجلترا من أجل استكمال العلاج، بسبب إصابته، وهذه المباراة التي جمعت بين مصر وغانا ضمن منافسات الجولة الثانية من دور المجموعات لبطولة كأس أمم إفريقيا 2023.

اقرأ أيضًا: طه دسوقي يعاني من حالة نفسية وغادة عادل محامية.. ملاحظات على إعلان مسلسل حالة خاصة