الرئيس السيسي: لو نستحمل هنعيش وهنكبر وهنتجاوز المشكلة دي
أعرب الرئيس عبد الفتاح السيسي عن رفضه، لوقف المشروعات وتدهور الاقتصاد، قائلًا : « هتقولي الدنيا غالية، هقولك غالية بس كلنا نقدر نعيش، لو نستحمل هنعيش وهنكبر وهنتجاوز المشكلة دي».
الرئيس السيسي
وأكد الرئيس السيسي، أنّ الدولة المصرية تواجه تحديات اقتصادية كبيرة، منها ارتفاع أسعار الوقود والسلع الأساسية، قائلا : « الدولار اللي بنتكلم فيه، قدمت الحكومة رؤية من كام يوم ووسائل الإعلام اتكلمت عليها، الدولار دايما بيعمل مشكلة كل كام سنة، طب ليه؟، مش بس الإنفاق اللي عملناه السنين اللي فاتت سواء في 2011 أو بعد كده أو في الحرب ضد الإرهاب، لكن بقدم خدمات ببيعها للناس بجنيه وأنا بضطر أجيبها بالدولار».
الرئيس عبد الفتاح السيسي
كما أضاف الرئيس السيسي أثناء احتفال عيد الشرطة : « بنحتاج نجيب سلع أساسية في الشهر بمليار دولار زي القمح والدرة وفول صويا، وببيعه للناس بالجنيه، والوقود مليار دولار تاني، ودة مش بيخش فيه الرقم اللي مصر بتنتجه كل دة شهريا، ومحطات الكهربا بتاخد غاز يساوي تقريبا مليار دولار شهريا، يبقى المجموع 3 مليار دولار مقدرش أبدا موفرهمش لأن دي حاجات أساسية، بحاول اشرح لكم حجم التحدي اللي عايشينه حتى من قبل 2011».
اقرأ أيضا
