عصام السقا: الشغل مع خالد يوسف شرف ليا.. والعوضي عايز الكاست كله ينجح
تحدث الفنان عصام السقا عن تفاصيل مشاركته في فيلم" الاسكندراني" بطولة الفنان أحمد العوضي والفنانة زينة، والذي يعرض حالياً بدور العرض محققاً إيرادات مرتفعة.
تصريحات عصام السقا
قال عصام السقا خلال حلوله ضيفاً ببرنامج “ مساء الإمارات” مع الإعلامي عبد العزيز أحمد :"بعمل شخصية زكي صاحب بكر الإسكندراني اللي هو أحمد العوضي، واللي بيعيش معاه مغامرات ومشاكل وأزمات وتفاصيل كتير جداً في الحياة ما بين فوق وتحت".
تعاون عصام السقا وأحمد العوضي
وعن تعاونه مع أحمد العوضي قال عصام السقا "اشتغلنا أنا والعوضي في "كلبش 3" و"الاختيار" بس ما اتقابلناش، والإسكندراني أول تجربة حقيقية ومن التجارب القريبة لقلبي جدً ، والكواليس حلوة لأن العوضي عايز يعمل فيلم يكسر الدنيا وعايز كل الكاست ينجح وده كان هدفنا كلنا".
عصام السقا يتحدث عن العمل مع المخرج خالد يوسف
وعن تجربة العمل مع المخرج خالد يوسف قال عصام السقا "أول سبب خلاني اوافق على الفيلم إن في السي ڤي بتاعي هيتكتب فيه إني اشتغلت مع خالد يوسف لانه قامة كبيرة محدش يقدر ينكرها وإضافة كبيرة والرواية للراحل أسامة أنور عكاشة حسيت إني داخل مع عباقرة فكان لازم أثبت نفسي".
اقرأ أيضاً:أحمد سلامة: ورش "الكاستينج" تحولت إلى كيان موازي لنقابة المهن التمثيلية
