محمد رمضان: أنا أعلى أجر في الوطن العربي

أكد الفنان محمد رمضان، على أنه الأعلى أجرًا بين نجوم الجيل الحالي في الوطن العربي، مشيرًا إلى أنه مستحيل أن يكون مندفع مثل الوقت الماضي وأنه يكتسب الخبرات مع مرور الوقت.
أضاف محمد رمضان أثناء مؤتمر العرض الخاص لفيلمه الجديد ع الزيرو: "ليه محمد رمضان نمبر وان؟.. صعب أنا اللي أرد على السؤال ده، ولما عملتها في أغنية كانت فترة صعبة شوية في مشواري، مسلسل الأسطورة كانوا بيقولوا أنه مش أعلى مشاهدة في رمضان، كان لازم أقول أنا في الساحة واقف لوحدي.

محمد رمضان: أنا أعلى أجر في الوطن العربي

وتابع محمد رمضان، قائلًا: رديت لأني كنت شاب صغير، النهاردة مهما يحصل مستحيل اندفع أنا بكبر وبتعلم، في دليل مرئي ومسموع أن أنت أكتر نجم بتتسمع ومذكور في الشارع، دا دليل مسموع أن أكتر واحد بيتكلم عنه، وأنا أعلى أجر في الوطن العربي، دا كمان دليل مادي.
وأشار محمد رمضان: "عمري ما شوفت قهوة باسم فنان بعد العندليب عبد الحليم، وكوكب الشرق لم يتخطاها ولا نجمة حتى هذه اللحظة، دا دليل مرئي وكمان أنك تطلع فاكر اسم الشخصية من المسلسل دا دليل معنوي".