عادل الفار: وفاة ابني كان مؤلما جدا وندمت أني أعلنت عن إدمانه
أعرب الفنان عادل الفار عن ندمه عن الإعلان عن إدمان نجله الراحل شادي للمخدرات، مما تسبب في هجوم الجمهور عليه.
تصريحات عادل الفار
قال عادل الفار خلال حلوله ضيفاً ببرنامج واحد من الناس، مع الإعلامي عمرو الليثي: "وفاة ابني كان خبر مؤلم جدا، وأثر فيا أوي، هو كان تعبان جدا ورافض يروح المستشفى، وفي الفترة دي كنت زعلان منه، عشان كان مش بيسمع كلامي وبيشرب سجاير كتير".
وأضاف: "تأثرت جدا لإني مسلمتش عليه قبل ما يموت، وكان حبيبي وكل حاجة ليا وغالي وغاوي فن، وكل ما تيجي على بالي آخر صورة شوفته فيها أبقى عايز أبكي".
عادل الفار يعرب عن ندمه بإعلان إدمان نجله للمخدرات
واستكمل قائلا: "طبعا زعلت إني أعلنت عن إدماته، لكن هو فعلا الله يرحمه ويحسن إليه ويسامحه كان دخل في سكة المخدرات وفقدت السيطرة عليه، وكان عنده كذا قضية ومستقبله راح".
وقال الفار: " مراتي وبنتي زعلوا مني لما أعلنت موضوع الإدمان، لكن عارفين إني متأثر، ولما قولت إحنا استريحنا كان قصدي إنه استريح لأنه كان تعبنا نفسيا".
اقرأ أيضاً:إلهام شاهين: "مرتبطة بالسيدة العذراء ومريم أكتر سورة بحبها في القرآن"
