رانيا منصور لتامر حسني: من حظي إني اشتغلت معاك
أعربت الفنانة رانيا منصور عن سعادتها بالمشاركة مع النجم تامر حسني في كليب أغنيته الجديدة، موضوع رجوعنا، وذلك عبر صفحتها الشخصية على موقع التواصل الإجتماعي إنستجرام.
ستوري رانيا منصور
كتبت رانيا منصور عبر خاصية الإستوري على إنستجرام:"انا مبسوطة أوي، بجد الفرحة مش سيعاني، لما يكون في نجم كبير أنت بتحبه وتتمنى تشتغل معاه وتقوله كدا، وفجأة تلاقيه بمنتهى البساطة والتواضع يقولك يلا بينا، وتلاقيه فعلا مهتم بيك وبتفاصيلك، وأنه يطلعك في أحسن صورة".
وأضافت: "الأغنية كمان مكسرة الدنيا والناس كلها بتكلمني تباركلي، حقيقي شكراً أوي ياتامر بجد، انت فنان جميل وكلنا بنحبك، وقبل كل دا انا من حظي إني اشتغلت معاك، ربنا يزيدك محبة".
أغنية موضوع رجوعنا لتامر حسني
أغنية "موضوع رجوعنا" من كلمات تامر حسين وتلحين مدين والتوزيع الموسيقي وسام عبد المنعم.
كلمات أغنية موضوع رجوعنا
بتلومني ليه على إني عيشت وشوفت بعدك
طب ما إنت برضو مشيت ومعملتش بوعدك
بقى حلو ليك وبقيت عليا محرّمه
هما اللي حبوا بعد فُرقه أجرموا
إحساسي كنت مموته وملجمه
وحرام تروحي من أحاسيس جه وقتها
ملناش حقوق على بعض مش خلصت بقى
ولا ليك تغير على حاجه يوم أهملتها
القلب صعب يلاقي روحه ولو لقى
يفضل متبت في الحياه ويحبها
مبقاش في بينا ذكرى حب نخلده
موضوع رجوعنا مستحيل إستبعده
ولا أخلي قلبي حد يوم يستعبده
ولا أخلي حد في يوم ينزل دمعتي
بقى ليك حياتك ليك حبيب يستعجلك
اقرأ أيضاً:تامر حسني: أنا مش شيخ .. واحنا كبشر لازم نقوي بعض
