يسرا: محبة الناس أهم حاجة وانا غنية بأصحابي
تحدثت الفنانة يسرا عن بدايتها الفنية مشيرة إلى المصاعب والتحديات التي واجهتها، كما كشفت عن جانب من حياتها الشخصية متحدثة عن علاقتها بأصدقائها.
تصريحات يسرا
قالت يسرا في تصريحات إذاعية:"رحلتي مكانتش سهلة وفيها صعوبات ونجاحات و محطات فشل وثغرات وصعود وهبوط كتير أوي، وأنا سعيدة بالنتيجة الأخيرة اللي انا فيه النهاردة لأني حاسة إني متعبتش على الفاضي، بالعكس الحمد لله ربنا بيديني حب واحترام وشغل ونجاحات ومحبة الناس ودي أهم حاجة، وأكيد كل واحد عارف مكانته فين".
يسرا تكشف عن علاقتها بأصدقائها
وتابعت يسرا متحدثة عن أصدقائها:" مش كل الناس هتحبك ومش كل الناس هتكرهك، وهتلاقي أصدقاء بيحبوكي وبيدافعوا عنك مدى الحياة، وتبقي محظوظة لو عندك النوع ده من الأصدقاء وهتبقي وغنية بيهم، لأن الصداقة الحقيقية ضهر وسند وانتي اللي بتختاريه مش مفروض عليكي، وأنا غنية بصحابي وبمساندتهم ليا وأنا بحبهم أوي، ودول عيلتي الكبيرة وحياتي لأني عشت معاهم أكتر ما عيشت في البيت".
وأضافت يسرا: مقدرش أشوف أخت أو صديقة أو زميلة ليا محتاجاني ومقدرش ماروحش لها واقف معاها ، وإلهام شاهين زيي ويمكن أكتر مني بكتير، وهي عندها شهامة غير عادية".
يسرا لم تندم على خسارة أي شخص
وأكدت الفنانة يسرا أنها لم تندم على خسارة أي شخص بحياتها، قائلة: “ انا خسرت اللي ما يستاهلوش يبقوا معايا ، وأنا مش متضايقة خالص وأكيد هما اللي خسروني، وهما خسروني لأني كنت مخلصة ونعم الأخت والصديق، أنك تخسريني وأنتي عايزة تخسريني تبقى مشكلتك مش مشكلتي، وانا بزعل شوية لكن بعدها بقول الحمد لله يا رب أنا مش تعبانة، ولكن لو سمحت مش بيرجعوا زي الأول لأنه لا يلدغ المؤمن من جحر مرتين”.
اقرأ أيضاً:طارق الشناوي: "فيلم أبو نسب أفضل من الإسكندراني لأنه مفيهوش إدعاء سياسي"
