تامر حسني يعلق على تصريحات ترك آل الشيخ على فيلم "بحبك"

أعرب  الفنان تامر حسني عن سعادته بنجاح فيلمه "بحبك"، في المملكة العربية السعودية، علق على تصريحات  ترك آل الشيخ بعد أن أعلن أن فيلم “بحبك” بطولة الفنان تامر حسني عام 2022، تخطى حاجز المليار جنيه إيرادات في السعودية.

ونشر تامر حسني على صفحته الرسمية رسالة شكر للمستشار تركي آل الشيخ، قائلا:"خالص الشكر لمعالي المستشار تركي آل الشيخ، نصرتني يابو ناصر".

رسالة شكر من تامر حسني لـ ترك آل الشيخ

وتابع "تامر" قائلا: بعيداً طبعاً عن إن الرقم ده بيروح لموزعين الخارج عشان محدش يفتكر إن المنتج أوالأبطال بياخدوا الرقم ده، لأ ده رقم بيتوزع على موزعين الخارج في العالم كله والفنان له أجر ثابت".

وأضاف: المهم، الكثير كان بيشكك، في إيراداتي وكتير انتقدوا الفيلم قبل ما ينزل لمجرد إنه تأليفي وإخراجي وموسيقتي التصويرية، كنت مأجل بوست احتفالي معاكوا بنجاح فيلم بحبك اللي عدا عليه سنتين حتى تعلن الجهة المختصة عن رقمه القياسي، تيجي بقى من ابو ناصر نفسه أمام العالم كله، ليثبت إن كان كلامي صح و إني مش بقول غير الحق ولا مضطر أقول غير الحق".

واكمل تامر حسني: “و طبعاً ده غير إيرادات الفيلم في مصر وباقي دول العالم، كل الشكر للجمهور الطيب الغالي في مصر والسعودية والوطن العربي كله والعالم شكراً لكل أبطال العمل وصُناعُه ومنتجينه اللي صدقوني ودايما في ضهري”.

واختتم حديثه، قائلا: “شكراً معالي المستشار تركي آل الشيخ، نورت مصر بلدك الثانية، بجد أنا دلوقتي أقدر أحتفل معاكم بنجاح أول فيلم من إخراجي، الحمد لله”

اقرأ أيضًا: تحقيق نديم وصية والدته.. نهايات سعيدة لأبطال مسلسل حالة خاصة