عمرو وهبة: "أتمنى متحوجش أعمل لايفات تيك توك والسوشيال ميديا فادتني"

كشف الفنان عمرو وهبة عن رأيه في اتجاه بعض الفنانين إلى مواقع التواصل الاجتماعي، خاصة موقع الفيديوهات تيك توك، والظهور من خلال بث مباشر بغرض الحصول على الربح.

قال عمرو وهبة في حواره مع الإعلامي هيثم بسام: “أنا لما كنت مش عارف أخد فرصتي في التمثيل عن طريق الكاستينج أو العلاقات، قولت طالما الناس مش عارفة تشوفني أوريهم أنا نفسي، وبدأت أعمل فيديوهات أون لاين ومنها ربنا كرمني وبدأت أمثل، ولكن لاحظت مؤخرًا أن كل الفنانين مع إنهم عندهم حضور وأسماء كبيرة في التمثيل بدأوا يلجأوا للسوشيال ميديا والتيك توك وإنستجرام، وهما كده بيكونوا أكثر حضورا مع جمهورهم”.

عمرو وهبة: السوشيال ميديا نفعتني جدًا

وتابع عمرو وهبة: “التيك توك للأسف في مصر فيه إسفاف، ولكن هو برا في أوروبا نافذة مهمة جدًا بغض النظر عن الهزار، إحنا للأسف بقى مصنف شوية إنه فيه إسفاف بسبب القضايا والمشاكل اللي حصلت عليه، والسوشيال ميديا نفعتني جدًا وعرفتني على الناس، وفيه ناس متعرفش أعمالي الفنية وبتتفرج على فيديوهاتي على السوشيال ميديا، وناخد منها الإيجابي والسلبي، وعلشان الحياة الشخصية بقت مشاع لكل الناس وعارفين كل حاجة عنك".

واختتم عمرو وهبة حديثه قائلًا: “أتمنى إني متحوجش إني أعمل ده، ومقدرش أقول إن ده غلط واللي بيعمله عنده التزامات، واللي بيعمله أول واحد عارف إن دي حاجة غلط ومش مبسوط بيها، ولكن هي بقت وسيلة تربح حلال طالما بتعملها بطريقة محترمة قدر الإمكان”.

اقرأ أيضًا: تحقيق نديم وصية والدته.. نهايات سعيدة لأبطال مسلسل حالة خاصة