حورية فرغلي: لو رجع بيا الزمن هتجوز لهذا السبب

كشفت الفنانة حورية فرغلى خلال لقائها مع  ET بالعربى، عن تطورات حالتها الصحية، وذلك بعد خضوعها لآخر عملياتها و هي استئصال الرحم.

وقالت حورية فرغلي بعد اكتشافها وجود 9 أورام خبيثة على الرحم:  "حاسة بتحسن كبير، بقى عندى طاقة ومبقتش تعبانة وباكل كويس لأن الورم كان مأثر عليا، ودي مش أول مرة أعمل عملية، عملت زيها وأنا عندى 30 سنة، والدكتور قال لي قدامك 10 سنين وبالمساعدة تقدري تحملي ولما تخلفي وأنا بولدك هشيل الرحم، بس مأتجوزتش خلال المدة دي".

كما تحدثت عن حلمها بالأمومة، مستشهدة بمشهدها فى مسلسل "حكايات بنات" عندما حملت ابنة صديقتهت، قائلة:  "كان نفسي أجيب بنت، مش عارفة إيه ممكن يعوض الإحساس دا، خاصة إن الحاجة الوحيدة اللي كانت ممكن تفرحني هي إني أجيب بيبي".

واختتمت حديثها بنصيحة للفتايات، قائلة:  "الجمال مش كل حاجة، لو أنتي جميلة الناس هتقول زي القمر، ولكن لما ياخدوا عليكي هيشوفوكي عادية جدا، واللي بيعيش فعلا هو إنك تتجوزي ويكون عندك ولاد، ودي الحاجة أنا ندمانة عليها، ولو رجع بيا الزمن هتجوز، عشان هو ده اللي كان هيعيش".