عارفة عبد الرسول في عيد ميلادها: هقفل 70 سنة ولسة مشبعتش تمثيل

احتفلت الفنانة عارفة عبد الرسول بعيد ميلادها ال70 اليوم 19 فبراير، وذلك خلال صفحتها الشخصية على موقع التواصل الاجتماعي فيسبوك.

عيد ميلاد عارفة عبد الرسول 

كتبت عارفة عبد الرسول:"من بداية شهر فبراير وأنا في حالة نفسية يرثى لها الصراحة".
وتابعت: “الشهر ده هقفل 70 سنة، أنا معقول يا راجل!، لسه مشبعتش تمثيل،  طب هقدر وفي العمر ده!.. وإذ فجأة أقضي ليلة عيد ميلادي.. أنت واخد بالك يا مان.. ليلة عيد ميلادي بالظبط”.

واختتمت الفنانة عارفة عبد الرسول: “ليلة من أجمل ليالي عمري وكإنها إشارة إنه لا لسة هتقدري, ولسة عندي القدرة  أيوه أنا هقدر.. هقدر.. أنا مش قصير قزعة أنا طويل وأهبل”.

نجوم الفن يهنئون عارفة عبد الرسول بعيد ميلادها 

وحرص عدد من نجوم الفن على تهنئة عارفة عبد الرسول بعيد ميلادها، ومن بينهم الفنانة هنا الزاهد التي كتبت في التعليقات: «أنتي  لسة شباب ده أنت قمر وعسل»، وعلق الفنان تامر فرج قائلًا: «يا حبيبتي كل سنة وإنتي طيبة وبخير وصحة وسعادة بس كل اللي إنتي فكرتي فيه إنك لسة عايزة تمثلي.. بس؟».

وكتب الفنان دياب للفنانة عارفة عبد الرسول: «كل سنة وإنتي طيبة يا ست الناس وعقبال مليون سنة في صحة وهنا»، وعلق الفنان أمير صلاح الدين: «إوعى المز السبعيني،  كل سنة وحضرتك طيبة يا نجمتي المفضلة»، وعلقت الفنانة جيهان خليل قائلة: «كل سنة وإنتي طيبة وبخير وجميلة قوي كدة زي ما إنتي».

اقرأ أيضاً:أحمد سلامة: ورش "الكاستينج" تحولت إلى كيان موازي لنقابة المهن التمثيلية