فيفي عبده: الرقص مش حرام وليلى عبد اللطيف قالتلي هتموتي في الـ80
ردت الفنانة فيفي عبده على كلام عالمة الفلك ليلى عبد اللطيف، والتي أخبرتها بأنها ستكون في عمر الـ80، كما تحدثت عن الحجاب والرقص.
تصريحات فيفي عبده
قالت فيفي عبده في تصريحات تليفزيونية:"قابلت ليلى عبد اللطيف في الطائرة وقالتلي أني هموت في سن ال80، قولتلها هل من مزيد؟.. قالت لي خلاص هتبقي 90 أكتر.. خافت مني في الطيارة".
فيفي عبده تتحدث عن الرقص
واضافت فيفي عبده:" 'الرقص حرام ليه، هو مش شغل زي أي شغل، هو الباليه حرام؟، في حاجات كتير حرام، الرقص دا شغل زي أي شغل ليه احترامه وليه ناسه اللي بيتفرجوا عليه وليه اللي بيقدروه ويحترموه".
فيفي عبده تتحدث عن الحجاب
كما تحدثت فيفي عبده عن الحجاب، وقالت: “أنا متحجبة طول عمري ، الكلام دا يتقال للناس الفالته أنا بعتبر إني محجبة لأني مش بعمل حاجة غلط ومش بجيب في سيرة الناس محجبة في لساني وفي كل تصرفاتي”.
وتابعت: “مطلوب مني إيه أكتر من كده وإذا كان على الشغل لو ربنا قالي في أي وقت البسي الحجاب هلبسه وعادي”.
وعن عدد العمرات التي أدتها فيفي عبده، قالت: “أنا عامله 37 عمرة وحجيت 5 مرات، وبقول للناس متحكموش بالظاهر بس اعرفوا أن الفنانين دول عندهم حاجات كتير حلوة انتوا مش بتقدروها لكن ربنا بيقدرها”.
واختتمت كلامها، قائلة: “نفسي أقول للناس متبصوش للشكل الظاهري للفنان بصوا لقلوبهم وتصرفاتهم”.
اقرأ أيضاً:أحمد سلامة: ورش "الكاستينج" تحولت إلى كيان موازي لنقابة المهن التمثيلية
