أحمد سعد: "عامل أغنية رثاء لنفسي وهتنزل بعد وفاتي"

حل المطرب أحمد سعد ضيفًا على برنامج “Abtalks”، الذي يقدمه الإعلامي أنس بوخش، عبر موقع الفيديوهات الشهير يوتيوب، وتحدث أحمد سعد خلال لقائه عن الأغنية التي يحضرها لرثاء نفسه بعد وفاته.

تصريحات أحمد سعد

وقال أحمد سعد: “أنا بحب يوم وفاتي وبعشقه، اليوم اللي هتحرر من كل الحاجات اللي ماسكاني، وفيه أغنية أنا عاملها رثاء لنفسي عشان تنزل بعد وفاتي، وعايز أعيش في سلام من جوا ومن برا”.

وتابع أحمد سعد: “حلمت وأنا عندي 25 سنة، بحلم شوفت فيه حاجات عن نفسي غريبة جدا، وفيها شخص مختلف تماما شفت أنا فين وممكن أروح فين بعد كده، وصحيت من الحلم ميت من العياط وبسبح كتير، وأنا عندي إحساس دايما وأنا ماشي بالعربية بقعد أستغفر لكل الناس، وأنا متدين ومتصوف بشكل معين”.

واستطرد أحمد سعد، حديثه، قائلا: “أنا بقالي 3 سنين بنجح نجاح كبير جدًا عليا، وكل سنة بيحصل ليا حاجة غريبة الناس بتقولي السنة دي سنتك فبخاف فبجتهد أكتر”.

اقرأ أيضا.. تعرف على موعد حفلة الفنان أحمد سعد وروبي في السعودية