بيومى فؤاد: المنتجين بيطلبوا أعلى الأجر ومش بشتغل عشان الفلوس

حل الفنان بيومي فؤاد ضيف فى برنامج ET بالعربى، حيث كشف عن سر قبوله أكثر من عمل فى نفس الوقت، مشيرًا إلى أنه لا يستطيع الرفض بسبب خجله، وأضاف أن المنتجين يطالبونه بزيادة الأجر. 

تصريحات بيومى فؤاد

وأضاف بيومى فؤاد: "فيه ناس كتير بيفتكرونى مش إجتماعى، مع إنى بتشرف إنى أتعرف على كل الناس، وشخصيتى الخجولة بتأثر عليا، ممكن أشتغل مع فنان فى أكثر من عمل ونبقى صحاب لكن مش معايا رقم موبايله، والناس بيستغربه من ده".

وعلق بيومى قائلًا: "كثرة التمثيل تكسر حاجز الخجل أمام الكاميرا وجمهور المسرح، ولكن هو مش بيغير الشخصية، وممكن أوافق أشارك فى عمل وأنا تعبان ومش فاضي بسبب خجلى أنى أرفض".

أجر بيومى فؤاد 

كما كشف بيومي فؤاد، أنه يفكر فى زيادة أجره، وأن المنتجين يطالبونه بذلك، قائلًا:" الناس بيفتكروا إنى بشارك فى أعمال كتير عشان الفلوس، ودا مش حقيقة المنتجين بيطلبوا أعلى أجرى عشان بصعب عليهم، وبيستغربوا أرقامى لحد دلوقتى".

آخر أعمال بيومى فؤاد

يذكر أن الفنان بيومي فؤاد شارك في موسم رمضان الماضي 2023 من خلال مسلسل “1000 حمد لله على السلامة” مع الفنانة يسرا، مايان السيد، آدم الشرقاوي، أحمد عبد الوهاب، حيث ظهر بيومي كضيف شرف خلال الأحداث.