رد حاسم من المطرب مسلم على منتقدي خطبته بعد طلاقه بشهرين

وجه المطرب مسلم، رسالة حاسمة إلى منتقدي إقدامه على خطبة فتاة من خارج الوسط الفني، بعد مرور شهرين فقط على انفصاله عن زوجته.

رد مسلم على منتقديه

وقال المطرب مسلم، خلال مقطع فيديو له عبر حسابه الشخصي بموقع تبادل الصور والفيديوهات إنستجرام: “الناس قلبت عليا السوشيال ميديا، وأنا معلش يعني روحت خطبت علشان خلاص مشيت في طريق ونسيت، وربنا كرمني بإنسانة تفهمني، وآه مقعدناش وقت كبير بس أنا ارتحت معاها وهي بنت ناس وكويسة ومقصرتش معايا”.

وتابع مسلم: “أتمنى الناس تكون عندها عقل وفهم عشان خاطري، أنتوا متعرفوش حاجة، ومحدش يعرف اللي جو البيت بيدور إيه أو اللي جوه الحياة بيبقى عامل إزاي، ومحدش يعرف ده عامل إيه، وأنا مش بحب أتكلم عن حياتي وبيتي”.

وأردف مسلم: “أنا لو طلعت اتكلم عنها أبقى مش راجل، وعمرى ما هطلع اتكلم على واحدة بقى ليا ابن منها، وهي عايشة حياتها وفيه ابنها وليها كل الشكر، وأنا روحت خطبت ومعملتش حاجة بالحرام، وخطبت وعملت فرح زي أي حد طبيعي، والناس اللي معايا متستهلش إن يجيلها تعليقات سلبية وليه الانتقاد”.

اقرأ أيضا.. "مكنتش حابب النهاية دي".. المطرب مسلم يعلن انفصاله عن زوجته ميكا البغدادي