مروة صبري تهاجم نجل حلمي بكر: "كنت مستنيه يموت علشان تنزل تدفنه وتشوف الورث؟"

هاجمت الإعلامية مروة صبري هشام حلمي بكر، نجل الراحل حلمي بكر، الذي عاد إلى مصر من أمريكا مؤخرًا، من أجل دفن والده وحضور جنازته.

قالت مروة صبري خلال تقديمها برنامج "قعدة ستات" عبر قناة ألفا: "لما ابن يعرف إن أبوه عيان من سنة ومينزلش يشوفه دي حاجة عجيبة، لما تشوف أبوك عيان أجري عليه والحق يومين تبقى جنبه تبوس إيده وتقول له ادعيلي، ولو شايف إن مراته بتعذبه انزل الحقه".

وتابعت مروة صبري: "هل إنت يا أستاذ هشام كنت مستني والدك يتوفى علشان تنزل وتدفنه، ولا إنت نازل علشان الورث".

ووجهت الحديث لأرملة حلمي بكر سماح القرشي، وقالت: "كل اللي حصل ده علشان إيه؟ علشان حضرتك يا أستاذة سماح عايزاه يكتب لك بيت تحت تأثير المرض، وعايزة تفضلي متخفظة عليه وتضغطي على أهله علشان تاخدي حقك، هو إحنا عايشين في دنيا ولا بقينا عايشين في غابة".

عزاء حلمي بكر

يشار إلى أن عزاء الموسيقار حلمي بكر أقيم أمس في مسجد الحامدية الشاذلية، بحضور وزيرة الثقافة نيفين الكيلاني، وعدد من أعضاء مجلس نقابة المهن الموسيقية، على رأسهم الفنان النقيب مصطفى كامل، ونادية مصطفى، وحلمي بكر، وعدد من الفنانين.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة