بسنت شوقي: محمد فراج متطرف في حب الأهلي وبتابع الكرة العالمية أكتر
كشفت الفنانة بسنت شوقي عن رد فعل زوجها الفنان محمد فراج ووالدها لاعب النادي الأهلي السابق شوقي عبد الشافي، إذا ما فكرت في تشجيع نادي الزمالك.
تصريحات بسنت شوقي
وقالت بسنت شوقي خلال لقائها في برنامج "تفاعلكم 25 سؤالا": "بابا هيبقى متقبل أكتر لو أنا شجعت الزمالك، هيكون مستغربني لكن هيتقبل، محمد فراج مش هيتقبل خالص حاجة زي دي وهيكون في مشاكل، هو متطرف جدا في موضوع وفي حب الأهلي، أكتر من بابا وعمي كابتن عبد العزيز عبد الشافي ومن أكتر الناس المتطرفين اللي شفتها في حياتي".
وتابعت بسنت شوقي: "أنا بحب الكرة جدا وبفهم فيها بشكل كبير لأني من وأنا صغيرة بتفرج على الماتشات، لكن في أحداث معينة حصلت في الكرة المصرية بعد أحداث بورسعيد مبقتش أتفرج على الكرة المصرية، وبتابع الكرة العالمية أكثر".
وكشفت بسنت شوقي أن الفريق العالمي الذي تشجعه هو نادي برشلونة الإسباني.
بسنت شوقي ترد على انتقادات تحدثها بالإنجليزية
وخلال اللقاء ردت بسنت شوقي عن انتقادات استخدامها للعديد من الكلمات الإنجليزية أثناء حديثها وقالت: "أنا متفهمة أن الناس ممكن تكون بتضايق إني بستخدم كلمات إنجليزي أكتر من العربي في كل كلامي، لكن دي البيئة اللي أنا اتربيت فيهاوانا متعودة على كدة في حياتي اليومية ، أنا في البيت عندي مع أهلي حتى لما بنتخانق بنتكلم بالإنجليزي، اتعودت على كده حاولت كتير وبشتغل على الموضوع لكن الناس بتتخيل إني بعمله منظرة لكن حقيقي صعب ومش شطارة مني ومش حاجة فخورة بيها، لكن في جمل بتيجي في مخي بالإنجيلزي وعشان أقعد أترجمها هاخد وقت كتير".
اقرأ أيضاً:إلهام شاهين: "مرتبطة بالسيدة العذراء ومريم أكتر سورة بحبها في القرآن"
