شيرين عبد الوهاب: تركي آل الشيخ قالي مكانك محدش يملاه ومسميني مارادونا الفنانات
تحدثت الفنانة شيرين عبد الوهاب، عن علاقتها بالمستشار تركي آل الشيخ، رئيس الهيئة العامة للترفيه بالمملكة العربية السعودية، موجهة له وللإعلامي عمرو أديب الشكر بعد مساندتهم لها في أزمتها.
تصريحات شيرين عبد الوهاب
قالت شيرين عبد الوهاب، خلال حوارها مع الإعلامي عمرو أديب، في بودكاست Big Time: “ لما معالي المستشار تركي آل الشيخ، كلمني، قالي مكانك فاضي وماحدش يقدر يملاه، وأنا بحب مارادونا جدًا وحسيت أن فيه شبه مني، ومعالي المستشار فاجئني وقالي أنا مسميكي مارادونا الفنانات، فا لما لاقيت ضهر ليا زي معالي المستشار وعمرو أديب اللي وقف واتكلم وظهرت الحقيقة، ده ثواني”.
سقوط شيرين في حفل دبي
وعلقت شيرين عبد الوهاب، على وسقوطها على المسرح في حفلها بـ دبي، قائلة: “ وقعت وقعة غريبة جدًا وقعدت فترة أتعالج من رجلي وكانت بايظة خالص، وكان في حاجة غريبة بتحصل مش عارفة إيه اللي حصل".
أزمة ومرض شيرين عبد الوهاب
كما تحدثت الفنانة شيرين عبد الوهاب عن أزمتها خلال الفترة الماضية، قائلة: “في مهرجان قرطاج كانوا حاطين على المسرح 4 كراسي، لأني مكنتش بقدر أقف أكتر من 10 دقايق، رجلي تتملي مية، فجأة تخنت وكانت حاجة غريبة، وصوتي كان رايح لكن رجع في البروفة، وطلبت من بنت في الكورال تقرأ عليا سورة البقرة علشان أشكر ربنا”.
وتابعت شيرين عبد الوهاب: في البروفة صوتي طلع، روحت البيت صليت وطلبت من البنات تقرأ لي سورة البقرة، لأنها طويلة عليا أوي وكنت بشكر ربنا إني سمعت صوتي من تاني وقدرت أغني".
اقرأ أيضاً:مع رجل المستحيل.. أحمد سعد يوجه رسالة للمستشار تركي آل الشيخ
