تريند مندوب الشحن.. هكذا استقبلت السوشيال ميديا الواقعة

تصدر تريند مندوب الشحن مواقع التواصل الاجتماعي، اليوم، الاثنين 7-8-2023 في مصر بعدما قامت سيدة بكتابة منشور عبر موقع التواصل الاجتماعي فيسبوك، تحكي فيه أنها طلبت فستان أون لاين، وتفاجأت بطلب غريب من مندوب الشحن، وأنه لا يريدها أن ترتديه خارج المنزل.

تريند مندوب الشحن

قالت صاحبة الفستان، عبر صفحتها على فيسبوك: "من فترة طلبت حاجة أون لاين، منها حاجة تخصّ لبس البيت، بس الحاجة دي ممكن تتلبس خارج البيت وتكون غير شرعية، وتفاجأت بمندوب الشحن بيطلب إني ملبسش الفستان خارج البيت لأنه مش بيوصل حاجة غير شرعية".

 

تريند مندوب الشحن

 

تداول رواد السوشيال ميديا منشور صاحبة الفستان، وأعرب البعض عن مدى غضبهم منها، بعدما تفاجأوا من خلال حديثها بأنها تقبلت الأمر بصدر رحب، ولم يقتصر الأمر على ذلك، ولكن السيدة قامت بعمل إعلان للمندوب عبر صفحتها بعدما أخذت إذن زوجها، ونصحت الجميع بالتعامل معه لحسن خلقه.

 

تعليقات السوشيال

وجاءت تعليقات السوشيال ميديا محملة بالغضب تجاه مندوب الشحن: "المهم انه طلع فستان سواريه ف الاخر ومقفول كمان مش مكشوف، مش فاهمة أومال لو كان مايوه بيكيني ولا بيبي دول كان حصل ايه، ايه هيئة الأوردرات بالمعروف اللي داخلين عليها دي لا مالو بجد، المشكلة إني افتكرت الست منزلة شكوى منه طلعت مبسوطة وبتسقف له.

غضب رواد التواصل الاجتماعي

ومن الناحية الأخرى هاجمها البعض قائلين:"الاهم بقى انه بيتصل بحضرتك يقولك الأوردر كذا وفيه كذا وهتلبسيه فين، لا والمضحك اكتر ماينفعش نتكلم فون ممكن واتس.. دا بيشقطك يا ولية، لأ وكله كوم وانها بتقول حكيت لجوزي واستأذنته اكتب بوست.. يعني الراجل المحترم جوزها عرف ان في راجل تاني فتح لبس مراته وسألها هتلبسيه فين وفرحان بيها وبيه لا اللهم بارك يعني.

وجاء في تعليق آخر: هو أكيد مالوش حق يفتح الأوردر ودا غلط منه جدا، الناس معدتش عليها حاجة اسمها حدود شخصية، المندوب الحنين رزق، هو ايه الهبل ده وهو ماله طالبة ايه ولا هتلبسه فين.. ان شاء الله حتى تنزل تشتري بيهم الخضار ايه الحشرية دي؟

فيما تعاطف البعض مع مندوب الشحن، قائلين: "يمكن الولد بس محتاج توعية لكن مش قصده أذى، إنما شتيمة حضرتك ليه منافية للمبادئ واتهامات الكومنتات. ما يلفظ من قول إلا لديه رقيب عتيد. أنا اتصدمت من طريقة مهاجمة حضرتك لشخص احتمال كبير عنده نقص وعي في النقطة دي. الولد ما أذاش حد أذى مقصود ولا حد طلع اشتكى منه، آه غلط في حاجة محتاج يتوعى مش يتشتم".