فيفي عبده: "مقدرش أكون زوجة تانية والجواز العرفي يعتبر فترة خطوبة"

كشفت الفنانة فيفي عبده، عن رأيها في أن تكون زوجة ثانية، كما تحدثت عن رأيها في الزواج العرفي، مشيرة إلى أنها تعتبره فترة خطوبة، بجانب الكشف عن تعرضها للتحرش في فيلم امرأة واحدة لا تكفي.

قالت فيفي عبده خلال لقاءها مع أسما إبراهيم في برنامج “حبر سري”: “أنا مقدرش أكون زوجة تانية وحتى لو هو متجوز المهم أني معرفش الأولى ولا أشوفها، ولو حد اتقدملي ومقاليش أنه متجوز هحترم ده وهعمل نفسي مش عارفة، وميقدرش يقولي أنه متجوز أصل الرجالة اللي بتدور عليا مش أنا اللي بدور عليهم، كل اللي عايزة أعرفه أنك الراجل بتاعي حبيبي، وماليش دعوة بأي حاجة تانية”.

فيفي عبده: أنا معترفة بالزواج العرفي

وأضافت فيفي عبده: “أنا معترفة بالجواز العرفي وأكيد مش هخلي راجل يلمسني من غير جواز، وأنا بعتبر الجواز العرفي فترة خطوبة، وبعدين أكتب الكتاب رسمي لما أعرفه، أنا بتجوز وأنا مش عارفاهم، والحمد لله جوازاتي كلها محترمة”.

تفاصيل تعرض فيفي عبده للتحرش

وكشفت الفنانة فيفي عبده، عن تفاصيل تعرضها للتحرش في فيلم امرأة واحدة لا تكفي، قائلة: “كنت في مشهد المفروض أن بيت أخويا وقع وبينزلوني من البيت وهما بيشولوني بالسلم لاقيت واحد شايلني بيحسس وهو نازل وإيده على ضهري، نزلت عليه ضرب بالأقلام وهما مش عارفين أنا بضربه ليه، وأنا قولت للمخرجة بيني وبينها على اللي حصل”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة