"بقيت أحلى شكلًا وموضوعًا".. صابرين تكشف لأول مرة سبب فقدانها للوزن

تحدثت الفنانة صابرين عن تفاصيل طلاقها، إلى جانب الحديث عن أسرار نحافتها واستمرارها على نظام غذائي، مؤكدة أنها أخذت إبر تخسيس لفترة ثم توقفت عنها.

قالت صابرين في لقاء تليفزيوني: “كان بقالي أكتر من سنتين شبه منفصلة، وبشكر كل الصحافة لأن لما نزل الموضوع، احترموا كلمتي لما قلت إني منفصلة من زمان ومش بحب أتكلم في حياتي الشخصية، وبحترم أبو أولادي جدًا، وبقالنا فترة كبيرة منفصلين ومش خبر جديد علشان نتكلم فيه فاحترموا ولادي بس”.

صابرين تكشف سبب فقدانها للوزن

أما عن اللايف ستايل الذي تعتمد عليه، أضافت صابرين: “بقالي فترة كبيرة بعمل لايف ستايل في الأكل بالراحة، وبصراحة مش هكذب على الجمهور كان فيه مساعدات خارجية، وقعدت فترة باخد الحقن والإبر للتخسيس، وساعدتني أوي بس وقفت بسرعة، وما نصحش بيها لكنها جابت نتيجة معايا وبعدها استمريت في النظام الغذائي من غير الإبر لما لقيت الدنيا مشيت، وأنا مش من النوع الأكيل بس الحقن ساعدت في الحرق، فلقيت نفسي بنزل بسرعة والدنيا لذيذة لما نظمت الأكل وأحلى صحيًا وشكلًا وموضوعًا”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة