جومانا مراد: عنبة عنده قبول وارتجالي ومشاهدنا بتموتني من الضحك

كشفت الفنانة جومانا مراد عن كواليس مسلسل "عتبات البهجة" وخاصة المشاهد التي تجمعها بالفنان عنبة وقالت إنها كانت تضحك كثيرا عن تصويرها.

جومانا مراد: "معنديش وقت أغير على زوجي وهذه شخصيتي أمام يحيى الفخراني"

تصريحات جومانا مراد 

قالت جومانا مراد خلال لقائها في برنامج "نجوم رمضان أقربلك" من تقديم إنجي علي عبر إذاعة وقناة "نجوم FM": "عنبة شخصية جميلة جدا وشاطر ومحبوب وعنده شعبية كبيرة وليه مستقبل وموهوب في التمثيل، في ناس كتير بتغني لكن تيجي تمثل تقولي لأ خليه بس يغني، هو عنده قبول وإرتجالي وعفوي في لتمثيل وبيوصل لقلوب الناس وده مهم".
 وتابعت جومانا مراد: “مشاهدنا كنا بنموت على نفسنا من الضحك، كنا بنزل دموع من كتر الضحك وكنا بنقرأ المشهد مع بعض ونخلص الضحك وبعدها ندخل نمثل ولا كأن حاجة حصلت، وإحنا بنقرأ بنقول حاجات بنضحك عليها، في كيميا بينا في ناس بتستريحي معاها في الشغل، الجمهور حب مشاهدنا مع بعض وبيستنوها”.

مسلسل عتبات البهجة 

 وأكملت متحدثة عن المسلسل: "مسلسل عتبات البهجة مختلف عن أي مسلسل السنة دي هو مسلسل اجتماعي مناسب إنه يدخل كل البيوت أه بنطرح مواضيع الشباب وبنتناول قضايا مهمة لكن مفيهوش حاجة تخدش حياء أي أسرة هو عمل محترم، وبيوضح أن كل شخص بيسعى لحياة كريمة بطريقته وأنه يعدي عتبات البهجة".

اقرأ أيضاً:بسنت شوقي: محمد فراج متطرف في حب الأهلي وبتابع الكرة العالمية أكتر