أروى جودة تكشف سبب زيادة وزنها في نعمة الأفوكاتو
كشفت الفنانة أروى جودة عن سبب زيادة وزنها الملحوظ في مسلسل " نعمة الأفوكاتو" والذي يعرض خلال الموسم الرمضاني الحالي.
تصريحات أروى جودة
قالت أروى جودة خلال حوارها ببرنامج " تفاعلكم":"انتشر على الانترنت صورة ليا من المسلسل الإضاءة فيها بشعة، وأيضا زاوية التصوير، بالتأكيد كانوا لخدمة السياق الدارمي للمسلسل".
وأضافت:" الحاجة الثانية إن أنا فعلا تخنت، قالوا لي إن عندي كسل في الغدة ودي حاجة مش ذنبي، نفترض إن أنا حبيت إني أتخن أو عملت تجميل وطلعت وحشة، مش محتاجة إنك تشتمي الشخص، ممكن تقولي يا ريتها ما عملت، أو التجميل مش لايق عليها، أو التُخن مش لايق عليها، لكن لما تقولي إن الشخص توصفيه بالغباء والناس التانية تدخل تزود معه الشتيمة، مالهاش أي سبب غير تجرحي الشخص، إن كان أنا أو غيري".
وتابعت: “أنا عارفة إنه كان موقف بسيط وبيبقى في أوحش من كدة بكتير، بس حسيت إنه زي ما تكوني رايحة فرح والناس اتريقت عليكِ قصاد الناس، ودي إهانة كبيرة ليا و ملهاش لازمة، ممكن تعترضي وتقولي مش حلو ياريت ماتعمليش، وأنا نفسي بشوف بنات كتير وشها بيبوظ”.
أروى جودة ترد على منتقدي زيادة وزنها
واستكملت قائلة:" ويجب الأخد في الحسبان أن هذا التصرف صادر من شخص ربما عنده عدم ثقة في النفس، وعندنا هذه المشكلة في المجتمع وتحديدا مع الأجيال الصغيرة، إنهم اعتادور رؤية نفسهم مختلفين عن الحقيقة واعتادوا على شكلهم بالفلتر، وطول الوقت عايزين يبقوا شبه الفلتر، الشتيمة والإهانة مش هتحل المشكلة".
اقرأ أيضاً:مع رجل المستحيل.. أحمد سعد يوجه رسالة للمستشار تركي آل الشيخ
