محمد ممدوح: لحظة ميلاد بنتي كاميليا حسيت إن هي دي الحياة

روى الفنان محمد ممدوح تفاصيل يوم ولادة ابنته كاميليا، موضحاً، موضحاً أنها أعظم لحظات حياته.

تصريحات محمد ممدوح 

قال محمد ممدوح خلال حلوله ضيفاً ببودكاست بيج تايم الذي يقدمه الإعلامي عمرو أديب:"يوم  ولادة كاميليا بنتي، و كانوا هيطلعوني برة الولادة عشان قاعد بضحك ميرفت لأنها ماكنتش بتعيط، وهما قالولي ينفع احضر الولادة، فـ قولتلهم الله وبعدين دخلت،  وحسيت إن ميرفت مراتي محتاجة ده فـ طبعا هعملها اللي هي عايزاه خصوصًا في اللحظة دي لأن ربنا يكون في عونها".

متابعا: “ و بعد الولادة حصل حاجة أنا مافهمتش هي أيه بس فجأة بقى في إيدي كائن بيتحرك بيقولوا عليه بنتي،  حتة لحمــة زي ما بيقولوا وفيه حاجات لازم أعملها بيقولولي عليها .. لازم أكبر في ودنها وأنا مش فاهم اللحظة دي، يعني اللحظة اللي بعدها لما لبسوها ورجعتلي مسكت صباعي بإيدها وفضلت قافشة فيه وأنا مش عارف أعمل أيه .. وقتها حسيت إني ماعملتش حاجة في حياتي وإن دي هي الحياة”.

واضاف: “بعد اللحظة دي أنا خدت وقت مش عارف أتعامل مع بنتي كاميليا ومش فاهم هي أيه وكنت متضايق لأني افتكرتني معنديش مشاعر .. لحد ما الموضوع اتكرر مرة تانية فـ اكتشفت إني عادي”.

اقرأ أيضاً:مليون ونصف.. أحمد العوضي عن مسابقته الجديدة: "100 شخص هيكسب في رمضان