أحمد العوضي: "حب الناس ليا أبرك من نجاحي وعمري ما هقول إني رقم واحد"

تحدث الفنان أحمد العوضي خلال لقاءه مع الإعلامية منى عبد الوهاب في برنامج “ع المسرح”، عن لقب نمبر وان، مشيرًا إلى أنه لا يوجد رقم واحد في المطلق.

قال أحمد العوضي: “عمري ما كان عندي صراع لقب نمبر وإن مفيش رقم واحد في المطلق الواحد هو ربنا، ومفيش حد واحد طول الوقت، مفيش حد رقم واحد طول الوقت ومفيش حاجه اسمها كده لأن دي مش عدله الدنيا”.

تصريحات أحمد العوضي

وتابع أحمد العوضي حديثه قائلًا: “عمري ما هقول إني رقم واحد لإني مبصدقهاش عشان لو كانت دامت لغيرك مكنتش هتجيلك، حب الناس ليا أبرك من نجاحي، والغرور دايمًا هو بداية النهاية، وبيشغلني السنة الجاية أبقى أنجح من حق عرب، وبيهمني حب الناس أكتر من النجاح، أقوى واحد والناس تحبني لأن الناس بتحب القوي”.

وأكد أحمد العوضي: “مفيش حد رقم واحد في المُطلق، غير كده كله في الأونطة، وده مش عادة الدنيا، وكل واحد شايف نفسه إنه هو الواحد، ومسلسلي يكون رقم واحد اه عادي بس ده فضل ربنا ودعم أخواتي ليا، لكن عمري ما هروح أقول على نفسي رقم واحد، أنا بس راجل مسلسلي ناجح الحمد لله وكل سنة أنا بحافظ على حب الناس ليا مش على نجاحي”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة