ماندو العدل: محمد رمضان مش بيهرب من المنافسة

كشف  المخرج ماندو العدل مخرج فيلم ع الزيرو عن سبب عرض الفيلم خارج موسم عيد الفطر، مؤكدًا أن محمد رمضان لا يهرب من المنافسة.

تصريحات ماندو العدل

قال ماندو أثناء تصريحات إذاعية له: "مصلحتى كمخرج أن ع الزيرو يتعرض فى العيد، وأضايقت جدًا لما سمعت الناس بيقولوا أن محمد رمضان معرضتش الفيلم فى موسم العيد عشان يهرب من المنافسة، ردى عليهم رمضان عمل أكثر من 10 أفلام فى العيد وكلهم حققوا نجاحات كبيرة لأنه عنده جمهوره بيروحله فى الأعياد".

وأضاف ماندو: "الناس بتنزل من بيتها عشان يتفرجوا على محمد رمضان، والمنافسة مش حرب ولا خناقة، الأحسن يكون عندنا أفلام كتير فى السينما وتنوع واللى مينجحش انهارده ينجح بكرا، إنما يقولوا ليه هرب من المنافسة، فيلم ع الزيرو لو اتعرض فى العيد كان هيحقق إيرادات أكتر، ونفس الكلام فيلم هنيدي".

ماندو العدل عن فيلم ع الزيرو

كما صرح ماندو أن فيلم ع الزيرو مكتوب خصيصًا لمحمد رمضان، قائلًا: "إحنا اتفقنا عليه من 5 سنين، لكنه اتأجل وانشغلنا ورجعنا نتكلم فيه السنة اللى فاتت، وخلصنا تصويره فى 4 أسابيع، حبيت الفيلم عشان بيقدم رسالة ومعاناة محدودى الدخل مع مرض السرطان، حاولنا نكون صوتهم".