"عندي ميول جنسية للأطفال والميتين".. اعترافات قاتل جانيت السودانية بمدينة نصر
كشفت التحقيقات في جريمة مقتل الصغيرة جانيت السودانية - 10 أشهر، والمعروفة بـ "طفلة مدينة نصر"، تفاصيل جديدة، بعد هتك المتهم عرضها وإنهاء حياتها.
اعترافات قاتل جانيت السودانية
حصلت "بالمصري"، على نص تحقيقات واعترافات المتهم في قضية مقتل طفلة مدينة نصر جانيت السودانية، وجاءت أقوال المتهم كالآتي: “أنا كنت راجع من الشغل الساعة 6 بعد العشاء ووقتها الأسانسير عطل بيا في الدور الـ 12 وفضلت أخبط على الباب لحد ما لقيت اثنين سودانيين بيقوليلي من برا الأسانسير فيه إيه؟ قولتلهم نادولي البواب، وبعدها بنصف ساعة تقريبا البواب فتح عليا الباب في الدور الثاني عشر وشغل المكنة بتاعة الأسانسير، والأسانسير نزل بيا وقتها للدور الأرضي، وخرجت منه وطلعت على السلم عشان أروح شقتي”.
عنده ميول جنسية للأطفال والميتين
وأضاف المتهم بقتل الطفلة جانيت السودانية: “وقت ما كنت طالع على السلم سمعت صوت عيلة صغيرة في الدور الرابع عشر، ولإن أنا عندي ميول جنسية للأطفال الصغار وخاصة البنات الصغيرة والميتين، وأنا عارف إن حد عملي عمل في الموضوع دا وعرفت الكلام دا لما رحت عند شيخ مش فاكر اسمه كان في أسيوط، ومش فاكر فين بالضبط، وبعدين وقتها جه في دماغي أنام مع البنت الصغيرة اللي في الدور الرابع عشر”.
وواصل المتهم بقتل طفلة مدينة نصر خلال اعترافاته: “وقتها طلعت الدور الرابع عشر وجدت الطفلة الضحية جانيت جالسة على الأرض بتزحف، فمسكتها على إيدي، ووقتها لقيت عيلة صغيرة شافتني وجريت عليا تقريبا أختها، فخفت وأخدت البنت الصغيرة وجريت على السلم ورحت بيها الجنينة اللي خلف العمارة، وحطيتها هناك على الأرض واعتديت عليها وهتكت عرضها ووقتها لقيتها بتعيط جامد رحت حاطط إيدي على بوقها وكاتم نفسها عشان تموت”.
واستكمل: “وقتها جانيت ماتت وتأكدت من ده لما زقتها يمين وشمال ولقيتها قاطعة النفس، فعرفت إنها ماتت، وبعد ما ماتت اعتديت عليها مرة تانية لمدة ساعتين، وبعدين لقيت ناس من الحكومة جايين من بعيد، فلما لقيتهم هربت وسبت البنت ومشيت وطلعت شقتي عادي وبعدها بحوالي نص ساعة لقيت الحكومة بتخبط عليا وأخويا فتحلهم لإن أنا قاعد مع أخويا في البيت لوحدنا، ولما أخويا فتحلهم خدوني على القسم”.
اقرأ أيضاً:
