محمد رمضان: ماغبتش في رمضان عشان أوحش الجمهور وهذا هو السبب

رد الفنان محمد رمضان على كلام الجمهور عن مسلسل "نعمة الأفوكاتو" بطولة الفنانة مي عمر وأنه النسخة النسائية من مسلسله جعفر العمدة.

تصريحات محمد رمضان 

وقال محمد رمضان في تصريحات تليفزيونية: "الجمهور  له رأيه، والجمهور حر حتى لو كانت آراءه سلبية فلازم  نحترمها، ويا رب نكون عند حسن ظن الجمهور دايما،ز وزملائي قدموا شغل حلو جدًا في رمضان".
 

وأضاف محمد رمضان:" أنا مغبتش عن الناس في رمضان عشان اوحش الجمهور زي ما الناس بتقول، بالعكس أنا عمري ماغبت عن دراما رمضان".
 

وتابع رمضان :" أنا غيبت السنة دي  عشان أكون متفرغ لفيلمي الجديد أسد  أسود، لأنه فيلم صعب وأنا مش عاوز أقدم للجمهور أي حاجة وخلاص،  ولكن لازم أكون متفرغ ويكون عندي الوقت والطاقة الكافية إني أقدم عمل يليق بجمهوره".

فيلم أسد أسود 

وعن فيلمه الجديد أسد أسود قال محمد رمضان:"متأكد أنه هيكون أول فيلم عربي يحصد جوائز عربية وعالمية وأوعد الجمهور أنه هيحقق نجاح عظيم، ومحمد دياب مخرج ومؤلف الفيلم وهو أول مخرج مصري مارفيل تنتج له، وبيشاركني في الفيلم نجوم سعيد بوجودهم زي ماجد الكدواني وخالد الصاوي".

اقرأ أيضاً:عشرة العمر ووش السعد.. محمد إمام يشكر مي عز الدين بعد ظهورها في "كوبرا"