مخرج مسرحية المنفى: النفاق الأوروبى مستمر حتى الآن

شهد مسرح الطليعة عرض مسرحية "المنفى" لمنتخب جامعة طنطا، عن رواية حب فى المنفى للكاتب بهاء طاهر.، وذلك ضمن فعاليات المهرجان القومى للمسرح. 

وتحدث المخرج السعيد منسى فى تصريح خاص لموقع "بالمصرى"، عن تفاصيل مشاركته بالمهرجان، قائلًا: "أنا مشارك فى المهرجان بمنتخب جامعة طنطا الحائز على المركز الأول فى مهرجان إبداع، وأنا بشارك فى المهرجان القومى للمرة الـ 11، وحصلت على جائزة المهرجان القومى قبل كدا مرتين، ولكن ببقى مبسوط لما بشارك بفرق هواة أو فرق حرة لأن بيبقى ليهم أحلام عايزين يحققوهم، وأنا ربنا جعلنى سبب فى تحقيق أحلامهم".

وعند سؤاله عن سبب إختياره للرواية وتحويلها لعمل مسرحى، قال: "رواية حب فى المنفى للعظيم بهاء طاهر، وهى رواية عظيمة جدًا مليئة بالمشاعر وبالتاريخ، تاريخنا إحنا تاريخ جمهورية مصر العربية اللى معظم الجيل الجديد مايعرفهوش، فأنا حبيت أطرح الموضوع دا، وأعمل حالة تذكر بالتاريخ المصرى والمراحل إللى مر بيها، ودا تعريف للجيل الجديد بتاريخ مصر والأمة العربية زى فلسطين ولبنان".

كما تحدث عن رأيه فى النفاق الأوروبى والذى طرحه العرض، من انتشار أكاذيبهم وأقنعة الحرية والإنسانية، فقال:" التشبث بحقوق الإنسان وهما متجاهلين كل المأساة اللى  بتحصل زى اللى بيحصل فى الدول العربية، هما بيتكلموا عن حقوق الإنسان الخاصة بيهم هما، وإللى بتفيد مصالحهم هما والنفاق دا مستمر لحد دلوقتي كمان".