ميار الببلاوي: غلطت لما طلعت في العرافة وبسمة وهبة كانت عايزة الترند

ردت الفنانة ميار الببلاوي على منتقدي ظهورها في برنامج " العرافة" الذي تقدمه الإعلامية بسمة وهبة  والذي تسبب في أزمة كبيرة لها بسبب تصريحاتها خلال البرنامج، وأكدت الببلاوي على أنها لم تكن تعلم بأسئلة بسمة وهبة.

رد ميار الببلاوي  على منتقديها 

كتبت ميار الببلاوي على صفحتها الشخصية على موقع التواصل الإجتماعي فيسبوك:"كل الناس عماله تقولى انتي غلطانة عشان طلعتي في برنامج بسمة طيب اقسم بالله ماكنت اعرف إنها هتكون هجومية كدة، وانا مكنتش عارفة أرد خالص وكل اللي كان في دماغي إني ألغي الحلقة، ليس كل منطوق مقصود أنا مطلقتش 11 مرة كان قصدي إن جوزي على طول بيقول عليا الطلاق، يا جماعة دا بتاع البطيخ بيحلف يمين طلاق إن البطيخة حمرا يبقى مراته طالق الناس ماسكه على كلمة واحدة تستاهلي عشان طلعتي مع بسمة".

 وأضافت:" خلاص ارحموني بقى، انا اعترفت بغلطتي بس أنا صاحبتي دعتني لبرنامجها وأنا بحب بسمة ومن زمان وصورنا قبل رمضان بأسبوعين وأنا اقسم بالله عمري ما شفت برنامج العرافة دا قبل كده اللهم حلقة شاكوش ومراته، وعارفة بسمة طيبة وبتحبني فوجئت بالكاركتر اللي كانت متقمصاه في البرنامج كان كل همي احافظ على هدوئي واحترامي للمكان وارد على أى سوال بصراحة علشان المصداقية".

ميار الببلاوي في برنامج العرافة 

 وتابعت:" أنا كنت ضيفة في برنامج متشاف مع مذيعة كبيرة ومعروفة،  على قناتين كبار النهار والمحور أما الفلوس والله إني أخدت مبلغ لا يذكر وكنت مصممة ارجعه وألغي الحلقة واسألوا أستاذ شريف رئيس تحرير البرنامج، أرجوكم كفاية نقد واللي حصل فى الفيديو الناس اللي بتقول تمثيل ربنا يحسسكم بالقهرة ووجع قلب الشريفة الحرة المتقية ربها لما يتقال عليها زانية من شيخ، أنا غلطت لما قبلت أطلع مع بسمة ويشفعلي جهلي بالبرنامج وطبيعتة وغلطت أنها لما قالتلي 11 مرة مفهمتهاش أن حلف بالطلاق فوق المية مرة يعني أبقى مطلقة مية مرة، وبعدين محدش ليه دعوة بحياتي الشخصية جوزي وابني وجوازي خط أحمر من هنا ورايح والناس اللي بتقولى إنتي اللي اتكلمتي وقولتي وعاوزين يرجموني أنا كنت بتسأل وبحاوب مش أنا اللي فتحت أي كلام وكنت بحاول اتهرب من الإجابة بس بسمة كانت مستميته على الترند من كلامي مكنتش مدياني فرصه نهائي غير اللي اتمنتج".

اقرأ أيضاً:مع رجل المستحيل.. أحمد سعد يوجه رسالة للمستشار تركي آل الشيخ