"اللبس اتسرق واقترحنا نغني مليونير".. أبطال مسلسل بـ 100 وش يكشفون كواليس العمل
كشف أبطال مسلسل بـ 100 وش، عن تفاصيل وكواليس مشاركتهم في العمل، الذي تم عرضه في موسم رمضان 2020.
قال آسر ياسين في تصريحات تليفزيونية للأبطال: “كل لبس واكسسوارات شخصيتي في مسلسل بـ 100 وش اتسرقت وقتها، وكان في وقت كورونا فـ حد فتح عربية الملابس وأخد اللبس، مكنتش متوقع النجاح الكبير اللي حققته أغنية مليونير، ولما سمعتها أنا ونيللي في الكرفان قولنا عليها أغنية لطيفة عادي ومكنتش معمولة إننا نغني فيها في الأول ولكن بعد كده إحنا اللي اقترحنا نغنيها”.
أبطال مسلسل بـ 100 وش يكشفون تفاصيل العمل
وقالت نيللي كريم: “فكرة بـ 100 وش كانت موجودة من قبلها بسنة، وكانت سكر اسمها أصلًا هيكون ليلى، والمخرجة كاملة أبو ذكري الأسماء بالنسبالها بتكون مهمة أوي وبتحب كل شخصياتها في أى عمل ليها، وبتهتم بالتفاصيل دي والأسماء”.
في حين قال إسلام إبراهيم: “كاملة أبو ذكري مرة كلمتني وهى في المونتاج عشان تسألني تفتكر رنة تليفون حمادة هتكون إيه في المسلسل؟، وصفة في شخصية حمادة كنت أتمنى تبقى فيا هي إني أقدر أركب موبايلات الناس”.
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
