ياسمين عبد العزيز: بنتي سندريلا وبترجع الساعة 12 وابني لسة صغير
تحدثت الفنانة ياسمين عبد العزيز عن أبنائها ياسمين وسيف، موضحة أنها لن تفرق في المعاملة بينهم لأن ذلك سيتسبب في كره الأشقاء لبعضهم.
تصريحات ياسمين عبد العزيز
وقالت ياسمين عبد العزيز خلال حلولها ضيفة ببرنامج "صاحبة السعادة" مع الفنانة والإعلامية إسعاد يونس:"طول الوقت بقولهم أنا بحبكم إنتوا الاثنين، في أهالي ممكن تميز حد عن حد، ودي بتعمل غيرة ومشاكل، مينفعش نميز بين الإخوات".
وعن تأخير أولادها خارج المنزل قالت ياسمين عبد العزيز :"انا بقول لبنتي انتي زي سندريلا، وسندريلا الساعة 12 تسيب الجزمة بتاعتها وتجري لو عندك إيه، لكن ابني لسة صغير عنده 13 سنة".
وشهدت الحلقة مداخلة هاتفية من أبناء الفنانة ياسمين عبد العزيز.
أبناء ياسمين عبد العزيز يتحدثون عن والدتهم
وقال ابن ياسمين عبد العزيز:" أنا وماما كنا بنلعب مع بعض كورة في الجنينة، ولما أرجع من المدرسة بحكيلها عملت إيه، ولو عملت شقاوة بقول لها".
وتابع:" لعبنا مع بعض بلاي ستيشن، لكن ماما مش أشطر حد في البلاي ستيشن خالص، وأنا مش بخاف منها دي أمي وهي حد طيب ولذيذ".
وتحدثت ابنة ياسمين عبد العزيز عن والدتها قائلة:"ماما في البيت زي ما بتشوفوها في التليفزيون، بكل الضحك واللذاذة والبساطة دي".
وتابعت:" إحنا في البيت زي الاخوات، وأكبر مشكلة بتقابلنا اللبس، وبنتخانق على الشنط والجزم، وانا دايما بستولى على حاجات من دولابها واجري".
وتابعت: "أنا واخويا لو بنعمل مقالب في بعض ماما بتبقى معانا، هي أختنا مش أمنا في المواضيع دي".
اقرأ أيضاً:عمرو مصطفى: أنا فنان عالمي وعندي ألحان في جميع أنحاء العالم
